Bole da ti je stalno grdo nego na kratko lepo

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Pital sem Štefino da kaj on misli kome je lepše, nekakvomu mladcu, koji ima puno novci, mršav je, ima lasi, lepo faco i nikak se nemre rešiti hordi curi koji za njim bežijo, ili je lepše nam, koje obletavajo jedino komarci i muhe dok bleščimo v vodo.

Štefina me poglenul onak prek očali dok je šival kuruzo na iglo i rekel: A kaj ti misliš, komu je lepše… Odgovoril mi je Štefina i samo vrtel z glavom.

Tak smo onda malo čkomeli i cmukali vino od Šimunića kojega je
Štefina dobil.

– No, neje tu kraj…počel je svojo štorijo Štefina i nastavil: Gledi, ak si mladi dečko, pun love, ljudi te vole i dive ti se i istoga trena ti i zameraju kaj si tak sreten. Ženske oko tebe kruže kaj ajkule oko tuljana. Jedini smisleni potez je kaj moreš napraviti je da se ubiješ, ali doslovno, i to moraš napraviti dok si na vrhuncu slave – objasnil je Štefina.

Mislil sem si da je naš ribički tribun pak malo preveč belke popil kaj govori takve gluposti. No, sigurno je samo jedno rakijo pil, ali i argumenteral je svoje stajalište.

– Dok si na vrhuncu slave, jedino kam moreš iti je prema dole. Došla bo seda las, a na mesti opće ne lasi, malo se bo škembica hitila. Novci se za čas potrošijo. Znači, tvoj život od trenutka kad si na vrhu more iti samo prema dole i čeka te jedno četrdeset let pomalog propadanja, a ljudi bodo govorili dok boš prehađal: Kak je to negda lepi dečko bil, a to ti ne treba – objašnjaval je Štefina svoju pomalo avangardnu i radikalnu teoriju.

Pitala sem Štefino zakaj bi mi onda trebali živeti, jer smo nigdar niti ne bili slavni, lepi, bogati. Rekel sem mu, Štefina, jedino kaj ti imaš je ribičija, a ja se niti v to ne razmem!

Pak je Štefina vrtel z glavom i točno mu se v joči vidlo da si misli da pak ništ ne rezmem, a malo posle je to i rekel.

– V tomo je i štos, mi smo ne imeli od kud opasti. Naša perspektiva je da bu nam grdo kak nam je i bilo i v tomu je lepota sega….

No, Štefino je ne dobro baš se poslušati, a nikak, i baš nikak od njega ne primati savjete, pogotovo ove životne.

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI