Bole srdita žena, nego srdita konobarica kaj ti hiti pivo kaj pred cucka

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Velijo da je bole imati srdito ženo nego srdito konobarico. Eksperti v tom pitanju govore da na srdito ženo računaš kak pod normalno, ali na srdito konobarico te nišče nemre pripremiti.

Zamisli da ti imaš srdito ženo, a morem ti reči to neje baš retki slučaj. Znači, da ti žene doma prigovara za se, da ti prigovara za krčmo, za ribičiju, za novce, za seks ili nedostatak toga. Prigovara ti kam si čarape del, zakaj si nasmetil dok si drva nosil nuter, zakaj si mački na nogo stal, zakaj ne voliš njezino mamo, zakaj se tak oblačiš, i na se to na kraju veli: Dosta mi te je…goni se ono ku..vo glet v krčmo.

I dok takof pol jaden, pol sreten, jer te žena konačno jempot sterala v krčmo, doješ u svoj omiljeni ugostiteljski objekt, a tam te dočeka drapačoza kaj ti pivo pred tebe hiti kaj pred cucka, i dok te vidi okreće z joči. Onda se malo očeš z njom spominjati pak jo spitavaš nekaj, a ona na to odgovori: Imaš ti doma koga je..ti, ve si mene našel. Teraj doma ženi…

Onda, veli Štefina, ti je jedina šansa da otiješ na ribolov, ali postoji jen problem. Posle ribolova se moraš nekom vrnuti, a kam god doješ dočekalo te bo okretanje z belanki i klimanje, ali ne u odobravajućem tonu, z glavom. Ako doješ svojoj konobarici Lidač, pak boš dobil pivo u maniri davanja napoja svinjama, ako doješ doma, tama buš i otvoreno i izravno prozvan svinjom.

Zato je i za psihičko zdravlje muškarci važno da njihova konobarica bude, barem na privid, naklonjena, i da ti dojde i reče: Štefić moj, kaj buš  popil, uobičajeno… i da dok ti da pivo, da te onak malo za roko prime, namigne ti i baci zagonetni smiješak.

Onda se nekak lekše vrneš svojem zmaju doma, i onda mam i znaš da te i ona voli, u dubini duše, makar joj se bluje dok te vidi. Za neženje je konobarica, kak smo već i pisali, još važneša, jer ako te ona voli ili simpatizira, ona si misliš da ima nade za tebe, a ako te ne voli, onda si misliš: Pak mene jedino majka more voleti (a i nje si već pomalo dosadel). I zato mi je rekel Štefina: Idi, mali, i po svetu pripovijedaj o važnosti konobarici… morti boš kojo prosvetlil o važnosti njihovog poziva i da je ne dosta samo čoveku pivo donesti i nazaj otiti bleščat v smartfon.

FOTO Ilustracija

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI