Darujemo vam urnebesni (istiniti) martinjski horoskop!

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Piše Vladek Antolaš Mastermind

ŠKORPION – Ovaj goričar pije, i pije, i pije sam. Skrije se v cisternu ako treba, samuje i pije, a ne dal bog da mu se zameriš jer bi ti mogel gorice pošpricati z deherbanom. Ode on i na bent pod staru rušku, zamišlja vilenjake kak prolaze i zanuđaju ga z vinom. Njegva je pesma „ Z dravskim peskom me pokrijte“.

STRELAC – Goričar u znaku strelca po celomu bregu lojsa, popeva, nalukava ti se čez oblok, sve ti bude dal. Goričari u tom znaku široke su ruke (i goričarke ak me razmeš). Popeva i popeva i popeva i dodija koliko popeva.
Najviše vole galic plavu boju i z njom farbaju šarapoljke.

JARAC –  Ovaj pripadnik goričnoga klana pije točan omjer gemišta 2:1. V goricama je na okruglo od 12:00 do 23:00, ne postoji  23:05. Sto put ide v podrum glet jel pipa zaprta. Naterati ga na popevku nikak, al dok krene ne staje. Prekriži se kraj raspela svaki put i prvi je uplatil novce za asfalt na bregu.

VODENJAK – Samo mu daj vina, samo nanašaj, nema taj srama, taj se ne srami ni rakiju vu vino zmešati. Tresne on i koju međašicu na rikverc. Dogodilo se jednomu da je harmoniku na šupe igral. Ne retko v grabi spi.
Po zime nuz put stavice kukuruzinja vužiže dok prti doma onak našajban.

RIBA –  Saki put se rasplače dok malo popije, a nije da ne pije. Klet mu je načičkana natpisima paljenima z lemilicom po drevu koje u retkim treznim trenutcima sam doma rezbari, npr. „Pij Joža!“ ili „Derektor rulz „.  Često klone glavom na stol, spi, senja da potače. Ne karta, al voli pisati.

OVAN – Goričar ovog tipa nema čas čekati da se vino zbistri, trusi mam i trusi jako. Voli piti z tuđe čaše, a svoju bi najrajše pod trs zakopal jer je njegva najgizdaveša. Čuje ga se do pol brega i ak on veli „frezat se ide“,  ide celi breg frezat. Enciklopedija vinogradarstva v glave, a zaperki navek mu pobegnu.

BIK – Sačuvaj me bože toga v kleti, taj nikud nikam, dok bere gorice, zadnji je v redu, temeljit do kraja. Čak se misli da je najveći postotak ovih kaj ne piju baš bikovi. Ako bi ipak pili, pili bi doma, ma samo bik more doma opušteno piti. On ne dolazi na feštu sam, drži za prav da ko gost dopela još dva gosta.

BLIZANAC – Ne moram ni reči da ovaj pije za dvojicu, dve čaše na stolu ima. „Ma sve bu vredu !“ to im je moto,  najčešće se oni zavračaju redom od kleti do kleti, a doma su rekli „ „Evo me za 5 minut !“. Jedini mali problem im je dok im se tek raspre, a i taj je za dvojicu. Krumpir gledam, meso vadim.

RAK – Kod njega mina dojti, taj prvo nakuvava dva dana i to redom ladnetinu, gulaša, goričkoga krumpereca i kukuruznoga kruva peče. Kod njih krušna peć i veranda vekša nego klet. Vino im religija, piju fino i dobro, a nerijetko idu za svećenike da mogu legalno piti i svetkom i petkom.

LAV– Lav goričar navek stoji na nogama, negda se klati ko na skijama, ali klati se ponosno i sa stilom. Prvi vadi novce i bajsaru daje, nek se vidi. Sorte grozdja v njegovom trsju ja ne znam ni zreči, same fine predikate, mirišljave su. Navek najviše naberu grozdja ili bar tak pripovedaju.

DJEVICA – Ova fela je teži slučaj, nikak prvu čašu popiti ili im je čaša malo musava, pa je stolnjak malo v koso pa nemru radi toga, pa je propuh, pa sad vankuša pod rit bi treba, ali dok ta prva čaša padne, adio mozak, baj baj. Taj dok pada jedino je čaša v zraku, a dobiti ga v auto za doma SF film.

VAGA – Goričari vu ovomu znaku na feštu pozovu najviše sveta, valjda redom idu po telefonskom imeniku i šajbaju pozive, „daj dojdi , niš se ne treba delati“. Nigdar nesu sami, čak dok idu pišat na podolje zemu pajdaša sobom. Najviše im paše vino, sve vino ovoga sveta. Zaziru od radenske, drže se čistaka.

FOTO Ilustracija

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI