Devetkilni smuđ i poučak o jalu

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Deda (ne moj, neg jen pajdaš kojega zovem Deda jer je stari) je vlovil velikog smuđa. Okoli devet kil… Velka i lepa riba i čisto sumnjam da bo vlovil vekšega za svojeg života.

Po komentarima ljudi koji su čuli ovo ribičko novost morete podeliti ljude na dobre i na one druge. Jedni komentari idu u smjeru: bravo Deda, baš mi je drago, Deda je zakon, jebačka riba, svaka čast… pa se do preterivanja, jel ste čul da je Deda vlovil smuđa od 12 kil, ja sem čul da ima čak 13…

To su komentari ljudi one vrste koji za svoj probleme krive susede, imućnije prijatelje i poznanike i koji glediju z zavisti v tuđe dvore, jer nisu iskreni. Jer najviše se morate v životu bojati slatkorječivih ljudi. Druga vrsta komentara ide u smjeru: čul sem da je vlovlen dok je bil u lovostaju, čula sam da ga je Deda mam po glavi toknol i da je bilo kolinje, sakoji budali se negda posreći, ili komentari da se po sliki vidi da nema devet kil.

Kak sam već rekel, v ribolovu morete najti meru sviju stvari veznih uz ljudsku prirodu. A druga skupina ljudi koji su dali ove komentare koji idu u negativnom smjeru su oni ljudi koji v tuđem velkom traktoru vide pohlepu, v crnoj mečki lopova, v svojem lepšem i bogatešem drugu neprijatelja, ali to i javno priznaju. Istina je da je v nekom od tih crnih mečki i bembari stvarno lopov, ili da je v nekom od onih kaj imaju velike traktore pohlepa, ali nesu svi. Tak, ak očete znati kakof je koj čovek, sam mu rečite da ste prijeli veliku ribu i onda pitajte pajdaša kaj je govoril dok je vas ne bilo. Ako bu vas vaš pajdaš falil i falil sebe kaj on ima pajdaša koji je vlovil dvajstkilnoga šarana, to je nekakof Dudek koj je ne čist, koji bi vam dal i levog bubrega ga samo lepo pitate.

Ako bu pred vami govoril se lepo i dobro, a dok se meknete izjave: čujem da su ga poždrli, kakva je to lakomost, ili te ne bi vlovil dvajstkilnog šarana da mu se za pimpek prime, onda imate petokolonaša, kvislinga i domaćeg izdajnika. Druga je stvar ako to govori pred vami i još zaklinje se živo i neživo zakaj on neje prijel takvo ribo nego nekakof norc, kojemu se curi z neba, onda znate da imate posla z lampakom koji bu ti rekel se kaj te ide i z njim ste navek na čisto i te spada v ono skupino ljudi koj su dobri, jer si smo negda jalni na nekoga osim onog Dudeka, a samo najbolšeši među nami imaju muda to i javno priznati.

Kad je tak rečeno, onda se ja javno proglašavam i određujem kaj lajavi jalni gad i žal mi je kaj sem ne ja vlovil devetkilnog smuđa, koji baš i neje zgledal tak velki.

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI