Đurđevački limitator: Nek smo se mi samopopisali!

Obleval me znoj na pitanja razna koja imaju smisla samo statističarima dok sam se samopopisao neki dan. Prva tri sam znal ko iz puške. Ime, prezime i jel sam osobno prisutan kod samopopisivanja. A onda je krenulo po zlu. 

Gdje vam se nalazila majka u vrijeme vašega rođenja? 

Pa gde? U rađaoni, mulci jedni, gde i ja, neje me rodila online ili na wi-fi!

Ok, malo sam tupast i tek posle shvatim da su pitali za mjesto rođenja. 

Znači v Belovaru je to bilo za moj slučaj. Pa pita koja je to županija.  

Mislim, mislim i domislim se da je to bila Zajednica općina Bjelovar. Je, sad aplikacija ispada glupa jer u izborniku nema ZOB nego BBŽ.

Tak smo popis i ja bili 1:1.

Zakaj nisu postavili lekša pitanja, npr. gde je bil otec u vreme vašega rođenja? U birtiji braco, u birtiji, za vreme poroda, prije i posle trudnoće, valjda je doma bil samo to veče dok me je napravil.

Imate li zahod? 

Imam, al dok je mene red, nema papera, nigdar ga nema, navek ja gole riti se moram pridigati do ormarića v kupaoni da zamenim rolu. Pitaju za decu, datum rođenja. Uh, kud baš mene za datume kad je već gore objašnjeno da svaki pravi otec koji drži do sebe te je dane v birtije i pijan.

Idu li ta deca u školu ? Pa meni vele da idu. Pa kam, koji razred?

Daj manite me se, nisam došel prijavljivat za dječji doplatak, nego se samopopisavam, a najmanje bi štel da se zna da brucoša već tri lete imam.

Redom piše i „žena“ , pitanje o ženi. Ha? O vlastitoj ženi? Pa to je misterija svima, znanost to neje razjasnila, a ja bi trebal u  par odgovora.

Ona zna najbolje, nek se samopopiše, a i odbijam spominjati punicu.

Ondak pita za zemlju. Pa nebum valjda lagal, brat bratu 60 rali samo goric, z kojih zide 2000 kubika mošta graševine sladora 22.

Med dva trsa paradajz i luk stoletnjak. Lifram sve na more. 

Ha, jeb’ ga sad, pitaju za prihode.

Mala je plaćica, ustvari budem i obrisal ovo za gorice da mi porezniki ne dojdu. Fuša ne spominjam, nisam lud. To malo kaj gde prišarafim ionak ne zgleda na posel, stalno mi slike na „Fušari i ostali sportaši“.

A da lepo pitaju ko more triput za redom, ko deklu ima v drugom selu, ko konobarice doma raspeljava i tak da se ljudi malo pofale, ionak pisalo da su podatki tajna.

Je, najte se smejati! Eto, niti jedno pitanje kak si kaj, jesi li sretan, jel te itko voli na ovome svetu… Samo kvadrati i wc školjke. Nisam ja baš tak naivec!

Dok pitaju jel se greješ na plin, to znači da bu plin poskupel. Dok pitaju za kvadrate, znači da ide porez na nekretnine. Dok pitaju za slive, znači da pečeš rakiju, a nesi kotla prijavil. Dok pitaju za wc i vodu za rit prati, to more samo značiti da nas budu opet naguzili pa im je na brige da nam barem prkno bude glanz ako nam ostali život u govnima.

Vladek Antolaš Mastermind

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI