Piše Vladek Antolaš Mastermind
Primer prvi:
Da su žene prevladale svetom kao dokaz dajem vam na pregled TV program. Ako bolje pročitate program, vidli budete možda i sami, al’ eto da vas ja spasim listanja, rekel vam budem kaj je očigledno. Na primer, negda smo gledeli samo partizanske filmove, kaubojce, „Dozvolite da se obratimo“ i brkate voditeljice koje puše dok vode Dnevnik. Bil je tu gda gda koji ruski film i Supermen za novo leto. Danas je druga pesma, sve samo soft. Na TV ekranima od jutra rana v živo zdrava rana, doktori i psihologi, osobni treneri pa i oni predsobni, pa meša pa spoved pa pričešćanje. Nakon toga dojdu na red serije v kojima se Melek vrnola konačno k hiže, pa kuvanje i dinstanje na sva tri četiri programa. Bila i ona Jadranka koja se oliže z octom i lemonom, celu hižu da blista. Ako to neje dokaz da žene upravljaju svetom, ja ne znam kaj je. Ajd v dnevniku i denes tu i tam pokoja brkata baba, al’ ne puši.
Primer drugi:
Da su žene prevladale svetom pokazati se more i na muškoj modi. Sad se pitate kak na muškoj. Pa lepo brat moj, denes muški imaju svoje kremice za mustače frkati, više neje dosta pregoreno ulje da kapne na mustače z getribe IMT 558, a to se neje ni jeden muški setil, nego ga naterale babe.
Denes muške brico štriže po katalogu koje su sigurno žene zmišljale jer je npr. Zito (pokojni) takve mustre i crte delal samo dok zaran neje tresnul nekaj kratko pa ruka zadrhtala i napravila crtu posred glave. Sad crte ko križić-kružić. Ima još dokaza, a to su – muške lače. Muške lače su v denešnje vreme sve samo ne muške. Imam osečaj da su ih žene krojile da budu toliko vuske, al ne da bi se dečecima rit bolje vidla, nego zato jer žene/majke ne bi štele sinove svoje pustiti z gnjezda pa im sad oblače lače koje zgledaju ko šrample. One bi jednostavno svoje bebice i dalje nunale i oblačile. Majke mi, štremple, užas! To samo ženski mozek more.
Primer treči:
Plinska kriza i rat na pomolu v Ukrajini. To je, kunem vam se, ženino maslo.
Kak? Pa lepo, Angela Merkel (žena) malo več v godinama i gle čuda zebe ju za noge stalno pa pojačaj plina, braco. I tak stalno kam god je došla sama zdenjava ju progonila i opet vikne ona: „Pojačaj plina! Jel se vgasilo v peči? Meni je samo zdeno„. I tak je ona Putina natelefonerala i vragoštan Putin skužil da je babami v Evropi zima za križica i kaj bu nego plina nam tržil. Je, sve bi to bilo ok, al’ valjd nekakov Presvetli z Ukrajine neje dal prek svojeg pelati plina i došlo na rub rata. Na drugu stran Putinova jedna manekenka isto zimogrozna, a ona bi k nama na morje da si malo put posunča, a Putin bi za njezinu brončanu put leko do Jadrana pregazil.
Ovo su evo tri jednostavna, ali očigledna primera da se se žene pita i da na nagovor žene mi bumo baš sakaj poduzeli.
Mislite da su bez vraga ovuliki ležeči policajci po Đurđevcu? To se žene dogovorile. Štele bi znati što od nas vozi flaše v bunkeru pa stoje polek ležeči policajcov i dok se ti bača nadrocneš, ona ne samo da zna kuliko je flaš v bunkeru, nego koje su i pune. I da, on rotor pri goricami im služi da se pošten muž vrti v krug se dok se ne otrezni jer ni jeden pijani nemre doma potrefiti.
