J…š državu koju birtije spašavaju!

Piše Vladek Antolaš Mastermind

Najnoviji poduzetni potez vodstva grada Đurđevca je otvaranje birtije (po domače rečeno). Bil sam popil par kavi tam, išel sam poslom, a i zanimalo me kak zgleda „naša“ nova birtija (čitaj kafić). Lepo je, novo je, mir je i neje zapušeno, eto tak zgleda novi kafić.

E sad tema. Po teoriji i logici, ako je kompanija „Stari grad“ koja je otvorila novi  kafić „ Zicer“ gradska firma u vlasništvu Grada, onda smo i mi valjda suvlasnici te birtije jer je Grad kao naš. 

No sad, postavlja se filozofsko pitanje zakaj bi mi kavu plaćali u svojoj birtiji ili barem zakaj po punoj ceni ako smo suvlasnici ili možda je taj simpatični ugostiteljski objekt napravljen samo da odabrani piju kavu na naš račun, no to je teorija zavjere već i dost bezobrazno od svih koji su to tak pomislili.

Najviše muke ostalim privatnicima i ugostiteljima pak zadaje ideja da Grad uklizava sve više u privatni sektor i dela nelojalnu konkurenciju sa svojom željom da budu poduzetni. Ljudima je nelagodno javno priznati i istupiti pa eto našli mene da to obznanim jer vele ja svejedno svakaj treskam po svojim kolumnama.

Ustvari imaju i prav biti v brige da se Grad prima svakog biznisa jer pitanje je kaj je sledeče na redu. Lako je još sad ako se budu držali samo ugostiteljstva jer većina vas nije pogođena konkurencijom koja ima suport poglavarstva. Kaj bi bilo da se prek noći otpre „Gradski frizeraj“ ili „Gradski maleraj“?

Jel’ bi se nešče bunil da raspru „Gradsku pilanu“, „Gradsku bravariju“, „Gradsku pekaru „ ili da kupe lagve i gorice pa raspru „Gradske podrume“. Mortem na kraju se raspre „Gradska cirkva“ koja bi verovala u jedinoga Boga, ali bi milodara kupil „Gradski domeštrant“. Jedino možda ne bi nikaj nišče zameril da se raspre „Gradski kupleraj“ .
Opet z druge strane, ako mi tak odlučimo, nek se sve privatne firme zaduse i nek sve bude u vlasništvu Grada i lepo svi bumo delali za njih, a ustvari za nas.

Neje ni to loša ideja, ne bi bilo razlike, niti štele, niti nepotizma, a i ne bi se više gledelo ko je kak došel v gradska poduzeća. Bilo bi svejedno jel si za Nezavisne, HDZ ili SDP ili si samo antikrist i pegula i nemaš nikoga da te porine i skrije nekam v kancelariju. Svi bi bili isti, isto podobni i zgodni. Samo dojdeš i rečeš kam bi, očeš biti gradski steklar ili tesar, gradski zidar ili gradski zubar, imali bi i gradske autolimare, bankare i cvečare. I nema konkurencije, svi konobari i birtaši, iste cene, iste plaće.

Uf, malo mi ova moja priča vleče na komunizam, svi za jedno i jedan za sve. Je, malo sam zakrenul i preteral, ali ovo je samo ideja koja se veže na eto viđeni poslovni potez našega Grada.
Uklizaval je Grad preko gradskih firmi i u građevinu i zadnje u dimnjakarske vode pa su neslavno završili ti projekti jer ipak, ne bi verovali, neje to sam tak „kaj se babi snilo da joj se i zbilo.“

Po mojem, bolje da se Grad drži svoga kursa oko komunalija, groblja, kulture, asfalta, rotorov, školi, vatrogascov i Picokijade  jer ima tu mesa za njih i posla, a i imaju kam svojega kadra trpati, nek se oni manu delati privatnikima
konkurenciju.

No neje panika, birtije inače prve najebu v naše države od zabrane pušenja, ak se sečate, do zapiranja radi korone, pa tak su poligon i v našemu Gradu.

Rekel sam ja više put: „ Jebeš državu koju birtije spašavaju“.

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI