Kaj ne, mama, kaj ne…

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Ima ljudi koje ne zanimaju stvari koje zanimaju većinu ljudi, a o tomu koje te stvari v životu zanimaju tolko boš imal. Kolko sem razmel, poljoprivrednike  zanima što ima kakvog traktora, kolko što zemle ima i kak sem zaključil, jako je važna stavka što je kak i gda zoral i jel mu je dračna kuruza. Imal sem za čuti da je najlepši prizor za pravoga gazdo dok vidi da je tuđa zemla puna drača, a njegova čista. To znači da je bolši.

Tak je bil jen mali dečec v jednom gospodarstvu i on je odmalena ne trpel vekšeg traktora nek je njegof,  a maloga, nazovimo ga Jožek, najviše je uzdrmalo dok je čul da je njegov sosed kupil prikolico za sto hilad kuna. Ljudi pripovedajo da je maloga tak prebrikalo kaj je po dvoru za svojom majkom hodal i spitaval: Kaj ne, mama, da mi imamo najvekšeg traktora, najbolšo zemlo?

Kaj ne, mama, da naš tata (čija je Jožek slika i prilika) najbolše ore, kaj ne, mama, kaj ne, mama, da mi, da očemo, moremo kupiti prikolico za dvesto hilad kuna? Dok je više ne znal kaj bi rekel, pital je: Kaj ne, mama, da mi imamo najvekše blato v dvoru?! Ribiče pak zanimajo druge stvari, što gde lovi, kolko je što kuruze hitil na koje mesto, a najdraža disciplina je posvaditi se za ribičko mesto s argumentima „ja tu lovim već dvajst let, toga spruda je moj deda našel“ i slično. Bil je tak isto jen dečec kaj je pak mamo stalno spitaval: Kaj ne, mama, da je naš tata najbolši ribič, kaj ne, mama, da su naši štap najbolši, kaj ne, mama, da mi imamo najviše ribe v škrinji, kaj ne, mama, da bom ja dok zrastem najbolši ribič v selu.

Gledela je majka svojeg sina, nazovimo ga Mirkec, koji je pak slika i prilika svojeg jape, kak na dvoru flaksa namata, i mesto da misli kak bo tri hiže izgradil, on mašta velikoga soma. Pogledavala je majka našeg Mirkeca ribiča i prek vulice maloga Jožo poljoprivrednika kak gaca po najvekšem blatu v selu, i misli si kak bo kupil hiladu rali zemle. Gledela je majka tak naizmjence Jožeka pa Mirka, pa Jožeka pa Mirka i mislila v sebi i sama sebi rekla: Jebote, a mogla si bit v blatu do grla, samo da si malo zobe stisnula…

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI