Čuj, ja mislim da imam šanse pri nje, govoril mi je Mato jedne večeri na ribolovu.
– Videl sem kak me poglenula dok mi je pivu nosila (da, opet se dela o konobarici, al da izbegnem komplikacije, sigurno ne o onoj kojoj vi mislite, ko god da ste) – razglabal je Mato i tumačil kak on vidi da je ona dobra, da neje površna i da joj samo treba objasniti da je on najbolši izbor za nju.
– Jedini moj greh je to kaj idem na ribolov i da si tu i tam popijem jeno šest il sedem pivi. Ne bi ju sigurno varal, jer nesem takov. Nemam baš puno nofci, ali sem zato romantičan. Auto mi je starši od naše države, al ima dušo. Na poslu me zovo gnjida, al to je od milja. Plaća mi je niska (a tlak visok), ali zato je na vreme. Dok digno minimalca, ja navek dobim povišico – govoril je Mato o sebi s biranim rečima.
No, kak se povečaval broj pivi, tak je Mato menjal spiko o svojoj omiljenoj konobarici.
– Neja ona baš tak dobra kak si ona misli. Vidim ja kak ona gledi nogometaše (ali sigurno ne one na koje vi mislite, tko god da ste), kak im gledi riti, vidim ja se…Mislim, nemrem reči da nekoji od nogometaši nemaju lepe riti, ali to je meni se tak površno, pak i moja rit je lepa, ak se gledi pod povoljnim svetlom (povoljno svetlo je u ovom slučaju njegovo odsustvo)…Znaš kaj, malo mi se i gadi ta mala. Mislim da sem ja i predober za njo – tumačil je Mato.
Klimal sem dok sem mogel, ali nakon pete pive više neje bilo nit jednoga „klima“ v meni, pak sem rekel Matoju kaj mislim o tomo.
– Gle, neje ona površna, nek jednostavno neje slepa i gluha. To so jedini uvjeti da si ti nekom odbojan. Ne bi jo varal jel seks z kravom neje preljub, već kazneno djelo. Ne da nemaš nofci, nek si tak siromašen kaj mali cigančoki tebi dajo nofce. Imaš pesrspektive isto kaj i Hajduk v Ligi prvaka, tu i tam za tebe znači saki den dva pot – rekel sem Matoju kaj ga ide i baš sem si mislil: Pa i neje tak dosadno biti sam na ribolovu. Uostalom, ak si lud, nigdar nesi sam – rekel sem čoveku kojeg sem vu vodi gledel.
