Koga se treba više bojati? Čoveka z debelim autom i nožom oko pasa ili pak čoveka z starom corsom

Podravski list profile

Pital sem ja Štefino, od kojih bi si ribiči on napravil četo da mora v rat iti, jel bi to bili ovi kaj love ščuke, smuđe ili some ili šaranaši ili pak mrežari.

Poglenul me Štefina, i prvo kaj je napravil, prigovoril mi je da zakaj razmišlam o takvim glupostima i da valda rata više ne nigdar. No, ipak se Štefina malo zamislil i nakon pet minuta mi je dal odgovor. Suprotno očekivanjima, Štefina si je za navalnu jedinicu zel šaranaše, a za obavještajce si je zel mrežare, dok špineraše neje niti spomenul.

Pital sem ga ja: Štefina, bogtenemarad, pak zakaj si špineraše i somolovce mam otpisal. Pak oni su navek malo frajeri, love štuke, ne boje se velki somi, i navek oko pasa imaju noža!

Štefina je pomalo pil rakijo i klimal z glavom u znak negodovanja, a v jočima mu se vidlo da misli da sem šupelak kaj ga opće to i pitam.

– Reči ti meni. Što je bole lud, of kaj tri vure blinka i onda dok mu to dosadi  otije nekam drugam ili of kaj dojde na vodo i onda tri dana gledi v jeno točko i ne veli više o pet reči. Zapamti si! Navek so najgorši oni kaj čkomiju. Ovi frajeri, čast iznimkama kojih ima, kaj kakti love grabežljivce, se boje dok grmi, a kamoli bi ž njim v rat išel – rekel je Štefina i još dodatno objasnil svoje razmišljanje.

– Kaj ti misliš, koga se treba više bojati. Čoveka z debelim autom i z nožom oko pasa ili pak čoveka z starom corsom, a šaranaši većinom voze takve krampe. Of s debelim autom bo te morti zajebaval ili vređal, al ako malo bole plesneš z rokami, bo pobegel. Of z corsom bo ti, ako treba, svoju krv ili bubrega dal, a ako ga zajebeš, zavezal ti bo betonskoga bloka za nogo i hitil te v Dravo. Ak se ide v rat, onda se ide z luđaki, a ne z šminkeri – tumačil je Štefina i dodal da kaj se tiče mrežara i njihove uloge u obavještajcima, ne treba trošiti puno reči.

A na kraju je ipak Štefina na mene graknul da ga više ne zamaram z takvim glupostima jel rata više ne.

  • Podijeli na društvenim mrežama
Share on facebook
Facebook
Share on twitter
Twitter
Share on email
Email
  • Najnovije vijesti

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati.
Nastavkom korištenja stranice suglasni ste s korištenjem kolačića. Pravila privatnosti