“Kolko sem čul, kak si v ribičiji slabi, tak si i v posteli mlohav!”

Podravski list profile

Neki den sem čul jedno pričo kojo moram z vami podeliti. Znači, bilo je tak jedno ribičko natjecanje na kojem su se natjecala dva ljuta rivala. Dva ribiča, koja su kakti najbolša, ili si bar misle da so najbolši. Podjebavanja so počela već od ranja: Kaj boš pak ve zmislil dok te pobedim, da si dobil loše mesto, da ti v želocu neje dobro ili nekaj drugo boš zlagal – podbadala je Mirkina svog ribičkog neprijatelja Slavino.

No neje mu Slavina ostal dožen: Ti jedino moreš pobediti svojo ženo, a kolko sem čul, kak si v ribičiji slabi, tak si i v posteli mlohav.

Nakon jeno tri mirenja i rastavlanja, jer so se Mirkina i Slavina šteli zbiti, pal je dogovor. Što bo gorše plaseran o njih dvojice, mora za se fešto napraviti. Prekaleni Štefina setil se je još jedno cako, a to je da ako bu razlika vekša od četiri mest v poretku med dvojicom, on koj je slabeši mora napraviti fešto, a to znači kupiti i speči odojka, napraviti grah i kromper šalato, pripraviti vino i radajnera, a dok to se lepo napravi v svojim goricami, dok gosti doju, on more lepo odjebati doma.

Tri tjena posle Slavina je hodal nervozono po hiži, a ženi je rekel da dela fešto za pajdaše v goricami. Dok je se pripravil i dočekal goste, mislil si je Slavina da morti njegvi pajdaši popuste, al čim so došli i konstaterali da je se pripravleno, dali so komando Slavini da odleprša z svojih goric, jer on na fešto nije pozvan.

Bogec Slavina neje smel dojti doma i reči ženi da nesme biti na vlastiti fešti v vlastitim goricami, a ništ drugo mu neje preostalo neg si leči v auto i čekati ranje. Dok so se si razišli, Slavina je došel kaj je se počistil i dok se vrnul doma, žena ga je pitala, „je bilo dobro na fešti“.  Slavina je samo slegal z rameni i rekel: Kak komu….

Se bi to bilo lepo da ova priče neje istinita, ali te ribiči so takvi gadi kaj so stvarno to i napravili svom pajdašu, a kolko sem čul, bilo je i varanja na vaganju, samo da Slavina bode četiri mest iza Mirkine.

FOTO Ilustracija

  • Podijeli na društvenim mrežama
Share on facebook
Facebook
Share on twitter
Twitter
Share on email
Email
  • Najnovije vijesti

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati.
Nastavkom korištenja stranice suglasni ste s korištenjem kolačića. Pravila privatnosti