Limitator: Ljudi, jel’ vam skupo za to malo špeceraja?

Piše Vladek Antolaš Mastermind

Otputil sam se v dučan denes navečer, špek ko da je zmeglil z frižidera pa reko idem malo po minažu koja je zaprav samo za moju rit jer ipak nesem ovlašten i kadar kupovati za celu familiju.

Zaprav, navek kupim se osim onoga po kaj sam došel pa ne uživam poverenje nadležne ekonomsko-prehrambene službe s kojom imam bračni ugovor i tak, eto, licencu za šoping mi ta ista institucija nebu nigdar poštambiljala, nema mura za to, veli, ali zato navek ako me se pošlje dobim čitabu na kojoj piše naziv, boja kutije i gramaža potrebite namirnice. Naravno, dobim i novce jer moje novce mi je nekak šteta dati da ih rit zežvače.

I tak bez popisa (od strane gore navedene službe) ja samostalno lutam po dučanu i zagledam kakvoga bi oblizeka si kupil da malo prisladim dolazače vure.

Iskreno, samo sam špeka ogledal. Na jednemu piše slanina, a na drugom dalmatinska panceta, pa sem se odvažil na turizam jer ovaj dalmatinski špek više parti ima po sebi kak je Američka zastav.

Pa onda gledim, ima istarski sir, ma reko ne bum partizansku robu jel rajše si ipak kupim međimurca.

Pridodal sam dve-tri sitnice i tak v ruki nosam mortem šest paketov tih dobara koje mi oko zelo z štalaze prije neg me pamet na red dozvala. Baš se raspametim po temi dučanami od šareni farbi i svetla.

Važno je za znati da sem ostale dve-tri bedastoče kupil na akcije, točno kak sem treniran.

Do kase sam se dolelujal ko Štrumpfeta, razdragan i vesel, tidam tidam tidam, kaserka natipče svoje i veli mi „stoosamdesetšestkuniidvajssedemlip“. „Kaj? „ „Stoosamdesetšestkuniidvajssedemlip“ -veli ona opet. „Nesem štel!“ – velim ja .

Zdeni me veter opunol, duž kičme. Gledim, gledim, gledim… Ne verujem, gledim, gledim, gledim, već su mi mislili octa pod nos deti kak sam se skamenel, a ja ustvari v glavi vu to vreme gruntam jel bu kartica mam ili na kredit, keša nedam vun z novčanika, ipak imam novigradske krvi koju kap.  Tak sem to nakraju z prepametnem telefonom platil i osečal se ko pravi Novigradec dok se raspištoljil i krene mužiku plačat, ono dok stoji pred binom i kelji novce na svoje čelo.

Jebatebreg, kam je to otišlo, pet komada ničega i jeden špekec koji se pancetom zove me koštal 186, 27 kn.

Dobro, ajd, nemreš z tih 186, 27 nekaj ni goriva natankerati, taman bi zišlo do Vrbice i nazad.  Za te novce jedva natankiraš motorku, kupiš lancola maloga i šljus nema dalje. Straj me ljudi uopče pomisliti kaj si ženice po glave premeču dok svaki den po špeceraja hode. Kaj si penzioneri misle dok žmiču kraj kase kune i po koji dinar jer im još neje jasno da Jugoslavije nema pa i dinare nose sebom.

Kakov je to zaprav štres i čemer.

Moraš stalno naranđaste i crlene papere iskati na kojima su najniže cene, očoraviš. Moraš odlučiti jel bi denes kruva ili mleko, a mortem kinder jajce za dete jer za sve troje bu preveč na kase.

I onda vele bu država intervenirala.

Pas mater i danu dok nas trebaju spašavati oni koji su nas do tu dopeljali.

Vladek Antolaš Mastermind
Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI