Ljudi so kaj ovce: Jen sadi aronijo, mam to sadiju si drugi. Nema ništ gorše od toga

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

– Viš, ljudi so ti kaj ovce, kam jen, tam i si. Jen je počel uzgajati aronijo, počeli so i si drugi, jen krompere sadi, sade ga i drugi.  Jen glasa za…  a za bilo koga, sejedno je, glasajo i drugi, i onda se si čude kaj ima preveč aronije, kromperi i budali na vlasti. Nema ništ gorše nek dok vidiš ljude da delajo nekaj zato kaj i drugi ljudi delajo.

Bil sem tak jeno leto pri meši na Sveto nedelo v Ludbregu. Zakaj sem tam bil, da mi roke režeš, nem se ve setil, al to neje važno. I tak sem gledel ljude…si ponavlajo isto. No ajd, sem si mislil, pak sem pri meši  i ljudi imajo pravo da verujo koj god očo. No, onda se dogodilo to, a te trenutek sem zgubil veru v čovječanstvo – objašnjavala je Štefina dok je menjal baterije na bazi.

– No pak boš rekel ve zakaj si zgubil vero v ljude – nestrpljivo sem ga zapital, a Štefina je počel strašno kleti i vikal je:  No bom ti rekel, strpi se, viš da me ovo kinesko smetje je..e, neče piščati….

Dok je konačno Štefina složil bazo, poglenul me je i nastavil svojo pričo.

– No bila ti je meša, vuni na svetištu, i jedni blesavi babi je opala kap dežđa na glavo, ili si je ona tak mislila. Ta koza je mam otprla kišobrana koda sekire curijo. Kraj nje je bili jen mulec, koj je bil lubomoren zakaj baba ima otprtoga kišobrana, a on ne, pa ga je otprl i on. Za 10 minut deset hiladi ljudi je v rokami držala optrte kišobrane. A znaš kaj, dežđa je opće ne bilo. Se zbog jene lude babe koja si je zamišlala da curi dežđ  – objasnil je Štefina svoj trenutak spoznaje i dokazala svojo teorijo s još jenim dokazom.

– Vlovil sem na autoputu amura od 20 kila na mestu na kojem 10 let ništ nesem vlovil i nem više nigdar i to si znajo. Ali, kak sem ga vlovil, ve si moj sosedi razvlače na to mesto, razvlače flaksa povdož i poprek grabe, svade se, bijo se, samo da postave na mesto gde nigdar ništ nedo vlovili. Viš, prije te Svete nedele bi se tomu čudil. Ve se ne čudim opće… čudil bi se da neje tak, tomu bi se čudil. Viš, ipak je istina da se čuda događajo, i da Boga ima koj mi  je prek jedne lude bebe pokazal da so njegova deca, v koje spadamo i mi dva, praznoglavi šupelaki – završil je Štefina svojo propoved, kakvo v cirkvi nete nigdar čuli.

FOTO Ilustracija

  • Podijeli na društvenim mrežama
Share on facebook
Facebook
Share on twitter
Twitter
Share on email
Email
  • Najnovije vijesti

Održan Carp Masters cup 2020

Prošlog vikenda na jezeru Autoput II popularnom ZERP-u, nedaleko Koprivnice, održan je Carp Masters cup 2020. Tamo se je natjecalo 12 ponajboljih šaranskih ekipa iz

  • Više s weba

Upišite pojam koji želite pretraživati

  • Pročitaj sljedeće...

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI