Mato se prepelal kraj njene hiže, a auta nema: “Bog zna de je i skim je!?”

Podravski list profile

Ovo leto bom sigurno pital, govoril je sam sebi ribič Mato noć prije održavanja skupštine njegovoga ribičkog kluba.  Dok od uzbuđenja ne mogel spati jel bo zutra, nakon kaj je deset let skupljal hrabrost, postavil pitanje na ribički skupštini, Matoju je kroz glavu sakaj prehađalo.

Kaj ako mi se bodo smejali si, kaj ako na moje pitanje si već znajo odgovor, a samo ja mulec pitam kaj je simi jasno. Morti bo i do nje došla ta sramota, onda me stvarno ne štela niti poglenoti. No kak je besana noć prije godišnje ribičke skupštine odmicala, v Matoju je se više rasla sigurnost v sebe i v to da bo on ipak zutra pred sima postavil upravi kluba pitanje. Mislil si je Mato: ve dok to pitam, se bo došlo na svoje, mislil si je da bu mu to dalo hrabrost da digne kredita kaj termofasado na hižo dene i kupi si novoga auta.

Došel je Mato na godišnju skupštinu z pet pivi v sebi i pun kuraža, jer bu on denes javno kritizeral upravu kluba i si bodo vidli kak je ona pameten jer postavla takva pametna pitanja, a sigurno bo i ona čula da je postavil strašno pametno pitanje kaj so se si mam za glavo prijeli. Kak se približavala točka skupštine Pitanja i prijedlozi, Matino srce je tak pumpalo kaj je mislil da bu mu vun skočilo i dok je predsednik rekel: A sad prelazimo na točku Pitanja i prijedlozi, Matoju se zamračilo pred jočim, zdeni znoj ga je oblejal, a v licu je bil crveni koda vrbanca ima. Gledel je Mato v paniki po dvorani, videl je da nišče pitanje ne postavla i mislis si je: Kaj bom ja prvi!? Kaj bum samo ja postavil pitanje!? Pa bodo rekli ljudi: Kaj ve te Mato glumi ak so si zadovolni….

Dok je predsednik zaključil točko Pitanja i prijedlozi, Mato je samo pognol glavo i gledel v pod. Do kraja večeri neje se z nikim spominjal i samo je natezal z flaše. Dok se je digel i otišel doma, nišče neje ni primetil nit mu rekel: Bok Mato, kaj ideš? Dok je sedal v auto, mislil si je, to bi se bilo drugač da sem pital. Dok je išel doma, prepelal se kraj njezine hiže i videl da nema auta doma i mislil si je: Bog zna gde je i skem je… Onda je napravil kruga, spušil si je v autu i još se jempot prepelal kraj hiže, ali auta još neje bilo.

Mislil si je Mato, morti je z prijateljicami, al je v sebi znal da to neje isitina. No, dok je jaden i potulen došel doma, Mato se stuširal i legel si spat, al v trenutku prije neg je zaspal, vužgala mu se lampica v glavi i Mato je rekel sam sebi: Drugo leto bom sigurno pital.

FOTO Ilustracija

  • Podijeli na društvenim mrežama
Share on facebook
Facebook
Share on twitter
Twitter
Share on email
Email
  • Najnovije vijesti

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati.
Nastavkom korištenja stranice suglasni ste s korištenjem kolačića. Pravila privatnosti