Veli Štefina da je ribičija epidemiološka mjera, ali čovek se v ribičiji, osim od virusa, brani i od gluposti. Rekel je Štefina da je glupost najgorša epidemija, jer se širi stalno i nema joj leka.
– Nema cjepiva protiv zatucanosti. Nema leka protiv primitivnosti, a i u ovom slučaju jedini način da se čovek zaštiti je socijalna distanca, a budući da šupelaki na ovom svetu ima na sakom čošku, jedino gde si siguren je v ribičiji – rekel je Štefina i nastavil: Šupelaka je teško prepoznati. I on ima lepe patike, traperice, lepo je podbrijan i naizgled dela se o normalnom čoveku. Vozi golfa šestico, dojde v dućan, veli dobar dan. Kupi kruha, mleko i germo i otije doma glet Ligo prvaka. Rekli bi ljudi normalen čovek…
No, objašnjava Štefina, recimo da se s tem čovekom, a nazovimo ga Mato, najdete v krčmi. E to je druga priča. Ljudi v krčmi, objašnjava Štefina, imajo tendencijo da izražavajo svoja mišljenja. Nakon pete pive, Mato se okrene za šankom i postavi pitanje: Dečki kaj vi mislite o te koroni? E, tu je prvi znak, da bo nekaj krenulo po zlu.
Za pet minuta, Mato se od normalnog čoveka pretvori u enciklopedijski primjerak mutavca, koji je ne ništ drug neg govoreča nakupina primitivizma, kojem je se trebalo dopustiti v životu, osim da se razmnožava. Nakon pete pive vidiš da Mato na karti sveta ne bi našel sveta, a da svog sina Daniela ne pušta na rođendan k njegovom pajdašu Mileju jer je čul da so oni pravoslavci, a da je ženo zbil jer je njihovi čerki, Danieli, ili prema Matoju, mali fufici, kupila malo krajšo suknjo za maturalno večer.
– Znači. V čemu je problem? Većina Matoji se razmnožavala i zato se dela o epidemiji za kojo nema leka, barem ne legalnog…veli Štefina.
Onda se setiš da Mato ima ženu, pak si v sebi misliš, pripoveda Štefina: Pak je Biba sasvim normalna žena. Viđaš jo v dućanu, na groblju, i Biba se z svim normalno spominja.
Onda ti na pamet padne jedna činjenica: Pa nesem nigdar čul kaj Biba misli posle pete pive…Veruj mi, mali, Biba i Mato su s razlogom skupa. Zato je ribičija jedino mesto gde ne trebaš ak nečeš slušati o tuđim mišljenjima. I za kraj, Štefina je rekel da jedva čeka dok Daniel i Daniela malo zrastu, pak da poslune malo i njihovo viđenje na svet…
FOTO Ilustracija
