Niđoju ne treba verovati ništ kaj zide z njegovih lampi

Podravski list profile

Velijo da je božićno doba najlepše u godini. Složil bi se ja, ali bi i rekel da je to vredelo do jeno prije dvajst let.  Ima puno razloga zakaj je to tak. Kak prvo, božićno doba onda je trajalo dva tjedna, a ve počne mam, od Sesveti.

Drugo, prije dvajst let je skoro saki Božić bil beli Božić, a jedini vid ribolova kojega si mogel upražnjavati bil je riblov na ledu, a ve komontno moreš na Badnjak na ribolov iti v proletni majci. Tu ve pak dolazi v pričo naš Štefina, koji se nakon kaj je doživel šok za Sesvete uputil v Čakovec, jer je čul od svojeg pajdaša Niđoja da su tam jeftine varalice.

Prvo kaj je Štefina rekel sam sebi dok je zišel z ribičkog dućana v Čakovcu je: Tak mi i treba kaj Niđoju verujem bilo kaj kaj zide v njegovi lampi. No, bespotreban put za varalice bi Štefina još i preživel, ali je dok je išel Čakovec stal v Kotoribi pri pajdašu kojeg neje dogo videl, ali dok je videl da se po gradu namećo lampice, koje bodo kakti osvetlivale grad za božićno vreme, Štefina je pak popizdel: Oni nas jebo, velim ti ja…

Prvo grobi trebajo svetleti kak božićna drvca, onda treba celi grad svetleti, a mi bi pak trebali iti v dućane, biti lažno veseli i nositi crvene veste. Za dućane nemam nofce, veseli sem samo na ribičiji, v vesti mi je vroće, a crveno bojo ne volim. Isto tak, još jempot dok vidim onoga staroga američko-finskoga crvenoga pedofila kak čez dimnjak ide k mali deci i onda ih mami z koka-kolom, pucal bom!

Pital sem ja Štefino da neje on mort malo preveč zatucan i zakaj ne pusti ljude da se veselijo.

Promatral me Štefina i već sem mislil da bo me potegel, al se ipak nekak smiril. No neje mi ostal dožen:

 – Ti si bedast kak si dogi i široki, a fala bogu ima te! Da se veselijo!? Pak nišče neje bil srečen već 15 let. Nego…očeš kupiti varalice, dam ti ih po dobri ceni. Bil sem v Čakovcu i kupi sem deset varalic, a ne znam za kaj…..A gle ga, tu je! –  viknul je Štefina dok je opazil Niđoja da prehađa prek ceste i pojuril k njemu z stišnjenom šakom.

FOTO Ilustracija

  • Podijeli na društvenim mrežama
Share on facebook
Facebook
Share on twitter
Twitter
Share on email
Email
  • Najnovije vijesti

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati.
Nastavkom korištenja stranice suglasni ste s korištenjem kolačića. Pravila privatnosti