Od jedne „bolesti“ se ne treba lečiti

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Ja sem nažalost videl kak ljude obuzima bolest, koja je z zdravoga čoveka napravila hodajućeg kostura za par meseci. Bolest koja je jela čoveka pred mojim očima. Videl sem kak ljudi pomalo gube pamet i kak zanaveke nestajo, i da za to nikoga ne briga – počel je Šefina svoj storijo i nastavil: Mi ljudi smo tolko uvjereni v svojo nadmoć i važnost, a za nekim cuckima se dože žalovalo neg se bo za nami. Jeden den si tu, drugi te nema i Drava sejedno teče – tumačil je Štefina.

No ipak, od jedne „bolesti“ nema jakše i teže, pripovedal je Štefina i rekel da je ta „bolest“ neizlječiva i čoveka obuzme potpuno u jako kratko vreme, zgleda da su neki na tu „bolest“ imuni, ali on koji neso, nema im spasa.

– V nekolko tjedni ta pojava čoveka pretvori z recimo normalnog stanovnika v nekakvog čudaka koj bi se štel samo mekuvati od sveta i iti čobet nekam. Imal sem nekolko pot v životu sreću i zadovoljstvo gledeti kak to ludilo zahvaća čoveka, kak ga povlači v dubine z koje nema povratka. To so trenutki čiste milosti i nekakve vanzemaljske sreće dok sem gledel kak čovek postaje nekaj sasvim drugo.  Pogodil si čak i ti već da se dela o ribolovu, o smrti čoveka i rođenju ribiča – ozarena lica, kakvoga ga je ne često za videti, objašnjaval je Štefina metamorfozu kroz koju su prolazili ljudi koje je poznal.

Rekel je te stari čangrizavec da je ribolov za muške bole zarazan od mirisa pi.., ovoga… žene,  da nema toga kaj ribolov nemre zlečiti dok dok jempot počne na tebe delovati.

– Nekaj najlepše je gledeti ljudsko biće dok se zaljubljuje v vodu, v prirodu, dok v vodi ne vidi samo vodeno maso, dok kak nigdar prije primeti brusa dok se šula po pličaku, dok po prvi pot vidi jato belki, kojeg je z staremi jočima ne mogel videti, makar je kraj njega prešel. Videti kak v se čoveku pamet okreće za puni krug i dok preglene z jočima malog deteta, još jempot, dok je mislil da ničeg novog više nema. To so trenuci sreće i jedini razlog zakaj sem ne hitil jeno deset bombi na razne punktove i okupljališta, jer morti i među tem senki,  baš nekom od njih koj so slepi, nešče podari oči ribiča – završil je Štefina koj me ostavil v čudu zbog lepi reči kaj je rekel i činjenice da ima deset bombi.

FOTO Ilustracija

Share on facebook
Facebook
Share on twitter
Twitter
Share on email
Email

Ovo su najbolji županijski blinkeraši!

Posljednje četvrto kolo županijske Spin lige održano je na Šoderici jučer, u nedjelju, a županijski prvak u „spineraju“ je ekipa ŠRK-a Šoderica. Naime, ta ekipa

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI