Od političari i misici postoje još gorši ljudi, a ti su kaj na fejzbuku…

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Negda sem srdit na svoje ribiče kaj nejdo glasat. Govorim im: pak kaj ste mulci, kaj nečete zeti stvari v svoje roke i dati svoj glas onomu za kojega mislite da je najmenše zlo, ako ne nejvekše dobro.

Velim im ja da ovak ispada da vas neje ništ briga i dobro kaj za vas govore da ste tulumani i niškoristi. Se je to poslušal moj pajdaš Štefina, koji je poznat po svojemi radikalnim stavovima. Štefina tjen dana prije izbora otije na Dravo na tak skrovito mesto kaj ga niti daber nit orel nemro najti. Skrije se i tek v pondelek se pojavi med svetom. Štefino ne bi nateral na glasanje da mu nešče obeča najbolšega ribičkoga štapa, a bormeš ne bi išel na glasanje ni da mu dobra vila obeča da, ak glasa, da više ne imal cukora povišenog v krvi, niti zbog toga nebi išel.

Pital sem ga kaj je tak divlji na političare, pak ima i onih dobrejo, velim mu ja. Štefina je smo navlačil brke i klimal za glavom i pomalo si nadotakal belko.

– Gledi ovak, mulec jen, prvi moji uvjet da za nekog glasam je da se moji kandidat opće neje kandideral. Čim je nešče na nekakvoj listi, a tu brojim i one nezavisne, mojega glasa nebu dobil – rekel je Štefina.

Na to sem se i ja malo zamislil i pital ga: Čekaj, ne kužim, ti bi sam glasal za onoga za kojega nemreš, jer se neće kandiderati….?

Na to je Štefina odvrnul: Normalno da ne razmeš, jel si šupelak. Gledi, čim ti v glavi osvane misao da bi ti mogel voditi ljude, da znaš kaj je za njih najbolše, to znači da nesi točen, a najgorše od sega, to znači da si misliš da si bolši od drugi. Zajebi ti rad za opće dobro, toga nema i nigdar nebo. Zato moj glas navek ide onima koji se ne kandiderajo – poenteral je Štefina, a i mam dal zanimljivo usporedbo.

To ti je slična bomba v glavi kak i pri onemi ženskami kaj se kandiderajo za misico. Znati da si lepša od ostatka sveta i za to tražiti službeno potvrdo. To ti je isto koda dojdeš na onkološki odjel, a zdrav si i od doktora tražiš potvrdo da si u bolšem stanju neg njegovi pacijenti i onda se s tom potvrdom šepuriš po odjelu i kesiš se  – objasnil je Štefina svoje viđenje stvari i rekel da od političari i misici postoji još gorša vrsta ljudi.

– To so oni kaj komenteraju članke, znaš ono na fejzbuku, nekakov članek, a ispod njega 100 dokazi da čovek neje nastal od majmuna nego od retarderanoga majmuna. To ne vredi za one kaj se zajebavlejo, te so dobri – zaključil je Štefina svoje izlaganje, a ja požalil kaj sem opće kaj i pital.

FOTO Ilustracija

Napomena: Stavovi u komentarima i kolumnama ne odražavaju nužno stav uredništva portala podravski.hr i osobni su stav autora.

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI