Ovo je priča o Jožeku, filekima i erotici

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

– Lepo je na ribičiji, ali fale mi ljudi, fali mi videti Matildo, fali mi da dok dojem v krčmo da me zajebavajo za moji siromašni ili nikakav seksualni život.  Fali mi da mi se smejo kaj ja još jedini nemam smartfona i kaj ne znam kaj je Fejzbuk – govoril mi je mali Joža, čera, dok sem ga srel v dućanu kak kupuje konzervo podrafkinih fileki, jegera, jamnico i nekakvo vino kaj se zove Rapsodija. I uz se to v Jožekovi košari je bil i časopis za odrasle.

– Jeger i gemišt so za ribičijo, a erotika za doma – rekel je Jožek ne skrivajaući  svoje seksualne porive, oko kojih se nigdar ne sramil govoriti.

– Prije dvajst let je bilo normalno kupiti erotiko na kiosku, ve je to sramota, al v isto vreme si ga doma rule dok bleščijo na one stranice na internetu – rekel je Jožek kojemu je već pomalo dosta ritma: fileki, ribičija, jeger, erotika i tak saki den. Jožek je uz se to volel dojti v krčmo. On nema, kad je malo čudni, kućnih prijatelja. Se do ve, njegovi socijalni kontakti su bili v ribičiji, a i još više v krčmi i zato Jožek pati v ovomu zaključavanju dok ne delajo krčme. 

– Čovek more samo do jene mere živeti bez ljudi, prije sem mislil da ja morem sam i da mi nišče ne treba, al ve vidim da to neje tak. Dok sem došel v krčmo, moja Matilda dok me vidla, mam je jočima okrenula. Bil sem sreten jer bar nekom značim dosta da mu se gadim. Ve dok gledim babo v erotiki, ne vidim ništ, stalno je ista, a i Matildina slika mi već beži z glave kaj bi jo prispodobil i ide zima, pak nem mogel niti na ribičijo iti, kaj bo z menom? – žalil se Jožek na krajnje neobičan i razarajuće iskren način.

Nesem znal kaj da Jožeku velim, pak sam rekel istino: – Ima nas više takvi kaj nam fali krčma, ali mislima da bodo otprli od drugoga meseca.

– Pak već je deseti, to bom još zdržal – veselo je rekel Jožek i fletno zišel z dućana vun i prije neg je sel na bicikel, škicnol je v erotiko, da vidi čemu se ima nadati navečer.  Samo se nadam da nesem Jožeku lagal…  

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI