Pet ljudi za ribičjo…

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Štefina ne voli putovanja… On veli da dok putuješ, povećavaš izglede da naletiš na budalu. Veli Štefina da je čoveku dosta deset ljudi koje podnaša i more se z njima spominjati, a da ih ne poželi se pogotiti, i neg je od tejo deset pet njih do te mere vredu da moreš z njima iti na ribolov, da je to se kaj čoveku treba.

V te pet spadajo i moru se ubrajat supružnici, roditelji, deca, braća, sestrične, konobarice, prijatelji, prijateljice, ljubavnice i ljubavniki, kontrolori leta…Nema veze, ali ih mora biti pet.    

– Najgorša zabluda pri ljudi koji nekam ido živet zbog posla ili zbog avanture je da je moguće naleteti na nekakvo mesto, bila to Irska, Španjolska, Vatikan ili Svazi, da bu došel v okruženje samo pametnih ljudi i da so budaletine rezervirane sam za Hrvatsko. Da zavrtiš globus i deneš slučajno nekam prsta i  da se tam teleporteraš, od prvih deset ljudi kaj boš srel sejo deset so šupelaki – objasnil je Štefina svoju antimigrantsku politiku i nastavil: Dok doješ v neko strano zemlo, treba ti petnajst let najmenje, a nešče možda to ne uspe do kraja života, da najde pet ljudi s kojima more iti v ribičijio.

Veli Štefina da nikak nemre biti istina ono kaj ljudi govore dok nekam otijo.

 – Posebno me razjebe dok mi ljudi govore: Znaš, ljudi su ti tam drukčiji. To neje istina, a jedini razlog zakaj ljudi tak misle je to kaj svoje novo društvo nesu upoznali.

Pital sem Štefino zakaj je baš ribolov tak važni u tom selekcijskom procesu ljudi od šupelaki.

– Gle, zmrdati se moreš z sakem, otiti na sladoled ili v kino moreš z sakem, ali v ribičijo nemreš z bilo kem. Ribičija je zadnji i jedini pravi test jel si ljudi pašo. Na ribičiji nema ljudskog žamora, putenog naboja, filmskog platna. Nema gradske gužve v koji se moreš zgubiti, nema druge prostorije kam moreš pobeči od nekoga. Dok dvoje ljudi deneš v tišino, saki zvuk i reč po vodi se šest pot bole čuje  i dok počne razgovor il pak tišina koja ima smisla, onda znaš da ti ta ili te nejde na živce u onom temeljnom smislu. Zato, mali moj, jako je važno da imaš pet ljudi za ribičijo i ak ih imaš, nejdi od njih, sreten si čovek, gde god se nalazil.

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI