Ponašanje ribiča je minijaturni prikaz celoga društva

Podravski list profile

Kak pri ribičima ništ nije kak bi trebalo biti (ili bar onak kak je pri većini ljudi),  tak je i do krajnjih granica iskrivljen pojam ravne linije. Kak i za nekretnine, i v ribičiji je lokacija jako važna za uspjeh.

Loviti na mestu gde su dobri sprudi velika je prednost za učinkovit ribolov. Je, na jednom jezeru takovih je mesta  premalo i upravo zato dolazi do raznih incidenti. Na primjer, dok dojde jen ribič na jezero i zavzeme si mesto, pravilo je da more loviti ispred sebe, a ne flaksa i  vodice vleči dijagonalno po celom jezeru. No ono kaj su pojedini ribiči definirali „ispred sebe“, za to se nemre reći da je snalažljivost, već besramnost.

Ima takvi ribiči koji su tak v koso razvlačili kaj im je trebala železna šipka zabita v pličaku po kojoj je flaks vijal do željene destinacije, na drugoj strani otoka na Šoderici. Objašnjenje ovog ribiča bilo je da on lovi ispred sebe, ali mu jedino smeta otok, pak ga je malo zaobišel z flaksom. Najgorše od sega je to kaj ovo nesem zmislil, već je istina.

Na ovakvim primjerima moči je videti zakaj je of svet ispunjen zlobom i nepravdom. To je zato tak jer ima puno ljudi koji, tak kak  je of ribič zaobišel otoka, zaobido dobrobiti drugih i na najbesramniji način sebi priušte neviđene luksuze.

Ponašanje ribiča na jednom jezeru, za onoga koji zna gledeti, more poslužiti kak minijaturni prikaz celoga društva. Ima bogcof koji love ispred sebe i čkomijo. Ima onih koji misle da pravila ne vrede za njih. Ima onih koji su zbog te nepravde srditi, ali se kaj su poduzeli u vezi tog je da urlajo po svoji bajti, al se ne usude djelovati. Ali fala dragom Bogu, ima i onih koji posjete ove ribiče koji razvlače „ispred sebe, oko otoka“ i objasne im par stvari.

Te ribiči znaju da ako nekome baš nejde v glavo ono kaj mu objašnjavaš, da treba malo i koji put bobnoti po glavi svog sugovornika kaj mu se nekak ipak vtuli v glavo kaj je ravno, a kaj neje.  Nadam se da se bo jednog dana to se preslikalo i na celo društvo i da bu dosta onih kaj znaju vudriti gde treba i koga treba.    

  • Podijeli na društvenim mrežama
Share on facebook
Facebook
Share on twitter
Twitter
Share on email
Email
  • Najnovije vijesti

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati.
Nastavkom korištenja stranice suglasni ste s korištenjem kolačića. Pravila privatnosti