Proljeće je vreme za ribičko diplomaciju

Kak se približava proljeće, tak i ribiči pomalo živno. Zima je posebno vreme za ribiče, jer se more iti na ribolov sam prek dana i na grabežlivce jer druge ribe ne grizo. Nema dugih ribolovnih vikenda, spanja v šatoru, noćnih poteza, bluvanja kraj jasena, opečenih jajci od koprive dok si išel v grmlje olakšati se. Nema posebnih posjeta v noći na ribolovne pozicije i iskanja najbolše pozicije a da si kolena ne zguliš. Nema kuhanja kuruze za prihano, nema srditih žena kaj se pak ide na celi vikend na vodo. Nema roštiljanja kraj bajte, dok se kuruza namače na vodici.

– Dok čujem da ševa zapjeva, mam mi krv prokola malo bole po žilami, mam mi i moja baba lepše zgledi, mam čujem štape v garaže kak se vrpole jer jedva čekaju da vide proletno sonce. Mam dok vidim prve rascvetane voćke, srce mi dela kak singerica. Tlak mi se popravi, šećer padne, a pišoran digne – tumačil je Štefina dok je na Dravi z križakom kedere digal.

Štefina je, kak i si mi, na svojemi živci osetil događanja oko nas, dve lete svakodnevnih Covid brojki, smrti se oko sebe, svađa vakcinatora i antivakcinatora, svađa Plenkija i Zokija. Dok je to ve malo popustilo, došel je rat u Evropo, nekaj kaj smo mislili da se ne na takov način dogodilo.

– Covid, rat, smrt, inflacija, cene plina, struje ,mesa, maslaca…Se to so stvari oko koji si mi obični ljudi nemremo pomoći. Imamo po meni samo dve opcije, poludeti ili iti v ribičiju. Poludeti više neg sam ve lud nemrem, zato idem v ribičijo. Samo čekam da nas sonce oblezne, da nam vode ožive, da me komari grizo, da ljubičice zamirišo, da vidim leptira i da čujem prvi biiiip na alarmu – rekel je Štefina i pridodal da morti proljeće smiri i one koji ljude teraju da pucaju na druge ljude, morti i oni isto tak osete radost proljetnog dana, dok se čoveku plače od sreće kaj je živ, morti i njih sonce spasi od ludila!

–  Znam da so to senje, ali morti i oni jempot otiju na ribičijo, skupa. To bi im trebali reči ovi kaj ih kakti mire. Ak je uspela ping-pong diplomacija, ribička diplomacija gotovo sigurno bi zastavila se ratove ne svetu, samo ih treba na vodu dovleči, samo jempot. Nudim svoju bajto za pregovarčko mesto, još im spečem carsko meso i doneram deset litri vrhunske kaplice, tolko bi im otpustil, više ne, nek si sami doneso. Samo nek jave dva dana prije, kaj napacam meso…

Facebook
Twitter
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI