Ribič bo prihvatil da je nešče lepši, bogateši… ali da je nešče prijel 12 ribi v jedno noć, to teško…

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Počelo je…Bečo je napravil kolinje, čera. Dvanajst komada v jedno noć, govoril je Dendi uzbuđeno ovo soboto dok je izveštaval o, blago rečeno, uspješnom ribolovu svog ribolovnog kolege koji je v noći s petka na soboto prijel 12 komada ribi, kak šarani, tak i amuri.

Dok je to govoril, mam se moglo videti koji je od ribiči ovo leto nekaj vlovil, a koj je ne ništ. Jocina je samo zinol i skoro su mu joči opale vun,  12 komad ribe on neje videl ovo leto, a tu se računaju i ribički dokumenti koje je gledel, a kamoli da ih je prijel. Lips je samo frkal z nosom. On je prijel par komadi ovo let, ali 12 v jedno noć malo je ipak iznad njegovih mogućnosti. Tak je Dendi spripovedal pričo o Bečojevih 12 ribi i brzo odbežal v drugo bajto gde je, kak i v naši, bilo maksimalno pet ljudi, i tam spripovedal o čudu neviđenom.

Ako mislite da je ovo priča o 12 Bečijevih ribi, to neje istina. Ovo je priča o tome kak je Dendi v vuro i pol u veliko depresijo hitil minimalno 25 ljudi. Posle te priče više ništ neje bilo isto, pokušavali so ribiči sakak racionalizirati ovo vest… Govorili su: Bečo laže, Dendi je lud, ko bi to poveroval… Al neje išlo.

Pol vure nakon priče mogle so se samo videti pognute glave v bajtami, nekoji su samo mrmlali nekaj sebi v brado, za Đonija su rekli da je sprobaval kak se vozel na štriku dela, Jožina je na prste brojil do 12, Stevina se je samo digel i bez reći otišel v auto, a Niđo je samo v vodo gledel i čkomel.

Ako mislite zakaj su ribiči tak potonoli dok su čuli kolko je Bečo vlovil, pa to vam je zato kaj dok ste ribolovec, a nemrete  nikaj vloviti, dojde vam na isto kaj da dopelate nekakvo lepo deklo v krevet, a onda imate problema s „preniskim krvnim tlakom“. Ribiči bodo lakše prihvatili da je nešče lepši, bogateši, zadraveši od njih, da ga žene više vole, da ga ljudi poštuju, ali da je k semu tome prijel i 12 ribi v jedno noć, to retko što more oprostiti.

– Vredu je do neke granice biti sreten, al neki ljudi v tomu preterivajo. Mogel je jednostavno stati nakon šeste ribe, zbog kolegijalnosti i pijeteta, al ne, moral je sterati do kraja – objasnil je Štefina Bečojevo greško u neumjerenosti. Jel Bečo neumjeren ili so Štefina i drugi ljubomorni, to presudite sami.

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI