Ribica na udici vs. polucilindar na kujici

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Rekel je Štefina da još malo i da se bu svet delil na dve vrst ljudi. Normalno,  Štefina veli da so oni kaj ido na ribičijo prva vrsta. Veli Štefina da to dosta po sebi znači i da se tu ne treba ništ posebno objašnjavati. Sa strepnjom sem pital Štefino da koja je to druga vrsta ljudi. Neje mi mam odgovoril na pitanje, neg je sam sebi, ispod glasa, rekel:

– Morti je bilo spasa za of svet. Da sem srel onog ili ono, nultoga pacijenta, i da sem mu nanesel ozljede nespojive sa životom, mort bi se ve drugač spominali – mrmlal je Štefina dok je mladom pevcu krv puščal.

– Što je to Štefina, o kojemu nultom pacijentu se spominamo? – pital sem Štefino, sa željom da doznam koja je to vrsta ljudi suprotnost onima kaj ido na ribičijo.

– Pa  neje svet otišel v k..ac, kak on filozof tvrdi, dok je nešče prvi pot zagradil komad zemle i rekel: To je moje. Ne! Svet je propal dok je nešče prvi pot gledel svojega cucka i mislil si da bi ga bilo dobro ošišati, obleči mu kaputića, staviti šeširić i tak se z njim šetati. To je, mali moj, bil kraj…

Nikakof južnoafrički, britanski soj, soj ljudi koji oblače svoje pese, a dok ido na more, opelajo ih na selo i puste. Oni koji se bore protiv nepravde, dok komenteraju na fejsu i oni koji misle da je sramota kupovati v Lidlu, to je najzarazniji i najsmrtonosniji soj.

– Da sem te, prve svoje vrste, imal na okupu, ovaj bi svet bili bolši, i cucki bi normalno hodali, fejsa ne bi bilo, a ljudi bi se protiv nepravde borili šakami i nogami, a onda ne bi bilo potrebno deliti ljude na one koji idu na ribičiju i one koje cucke oblače – rekel je Štefina, i dodal:

– Velijo da cucki nemajo srama, ali ja se morem kladiti na se kaj imam da sem ja jednog cucka videl kaj ga je bilo sram dok je protiv svoje volje šetal po gradu oblečen kaj Josipa Lisac – rekel je Štefina i dodal da on nema ništ protiv umjetnice, al ima protiv glupaki i rekel da on isto voli pese, ali samo pod uvjetom da na sebi nemaju polucilindra i skoplešega sakoa neg je njegov, kojega čuva za svoj sprevod.    

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI