Ribičke priče: Ni beli štonfi neso kaj so negda bili

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Veli Štefina da on neje staromodni, već bezvremenski. Znate da smo došli do zaključka da so ribiči malo, da ne budemo grubi, izvan trendova. Oblače se čudno, voze stare aute i voze se strašno sporo, a jedino tetovažo kaj priznajo je ona z vojske. No Štefina na to tvrdi da oni neso staromodni nit zatucani neg se držijo onoga kaj vredi i da bo na kraju se došlo na njihovo. Ovih dana Štefina slavodobitno hoda okolo i tvrdi da dolazi natrag njegovo vreme, a se na osnovi čarapi.

– Meni su si srali kaj nosim bele štonfe, ja ih nosim na trenerko, traperice, ali i odelo, ako so štonfi, onda so beli, navek sem govoril. Čul sem razne uvrede da sem zaostal mentalno, da me treba z lopatom po glavi vudriti i zakopati, ali bele štonfe so se nazaj vrnole. Kam god poglenem, mladi dečkiči imajo bele štonfe i šlape. Rekel sem ja, neke vrednosti se nemro zatoči – objašnjaval je Štefina razlog svojeg trijumfa.

V povratku beli štonfi na scenu Štefina vidi celo kontraevoluciju, on tvrdi da bo začas nazaj došlo vreme dok loviti z mrežom ne prekršaj, a raube bodo pod normalno. Štefina v tomu vidi da se začas bodo vrnoli plesnjaki, v soboto, da bo muzika nazaj lepa, da bo kazna ak te vlove pijanoga za volanom 200 kuna i da bo naklada Večernjaka nazaj  400.000 komada. Da na Šoderici prek leta bodo saki den igrale tri žive muzike, i da bo navečer pak nemoguće natji mest na terasi Tomislava, Motela ili na Lazinami. Štefina v beli štonfi vidi da bodo pak nazaj si v nedelo poslušali emisijo A sada sport i glazba, da Podravka nazaj ima 12.000 zaposlenih, da bi saka hiža imala svinje i krave, a i najvažneše da bo piva nazaj pet kuna v krčmi. Da bo vrhunac nečijeg života dok pe v Trst po traperice Casucci. Veli Štefina da to neso njegve tlapnje i senje staroga čoveka, nego da je to jedini način na koji se splati živeti. Nesem imal srca reći Štefini da te mladići nose bele štonfe iz aposlutno drugih razloga nego kaj si on misli, i da nišče od njih ne v životu kupil jedne novine, kamoli raubo postavil, i da so to dečki koji ne jedu masno niti češnjaka jer smrdi. Rekel sem mu onda da je on jugonostalgičar i komunista. Još mu se ni denes nesmem približiti na menje od dva metra, jer bi me mam napal z botom ili lopatom, kaj god mu je pri roki…

Foto: Ilustracija

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI