Ribičke priče: Očitovanje o pijači i ljudima koji jo pijo

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Čim je zvadil z torbe male Heinekene, znal sem na čemu smo – rekel je Štefina za nekakve dva ribiče s kem je moral bit na ribolovu, po kazni.

Štefina veli da se čovek more preceniti po tom kaj pije i kolko pije. Veli Štefina da je bole ništ ne piti nego piti malo.

Evo, to ide ovak, objasnil je Štefina. Krenul bum od najgorši ljudi: Mulci koji pijo male skope pive su najgorši ljudi. Inače, tem pivami ništ ne fali i te bombice morem popit tolko kaj bi pol smene tvornica morala samo za mene delati. Znači, neje stvar v pivi, neg onom ko jo pije. Gledi, ak na ribolov zemeš male skope pive i cuclaš jedno pivo tri vure i onda još pol zleješ drugi den, to znači da si šupelak koji je do srednje škole pišal v gače. Misliš si da si bolši od drugih, a zapraf si mala curica koja se boji mraka i filozofera samo na ribičiji jer doma nesme. To su najgorši ljudi, ak vidiš nekakve zbigecane poluljude koji se kur.. z 0,25 pivami, beži od njih ili stani pak ih splušči kaj gade – veli Štefina.

Druga vrsta ljudi, tumačil je Štefina, ak se ide od dola, so oni kaj ništ ne pijedo. Oni so malo bolši od ovih z dva mala Leffea, jer se ne preseravaju, a jedina mana, usput i neoprostiva, je kaj ništ ne pijo i njih treba izbjegavati.

Treća vrsta ljudi so isto ne bogznakaj, a to so oni koji pijo fina vina, zlatne medalje na ribolovu. Te so malo bolši jel te morejo malo više spiti, ali isto se v se razmo, delajo se da imajo više novci nek zapraf imajo i sprdavajo se od seljačke pijače i fino se oblače. Jedino kaj je dobro pri tejo je kaj boš pil dobra vina, ali kaj s tiče društva, bole da se družiš s majmunima z zoološkog vrta. E ve, veli Štefina, postoji i četvrta vrsta ljudi. Tem je sejedno i morejo z tebom ništ ne piti, popiti malo pivo z belgijskog samostana kojeg delajo trapisti. Moreju si ruknuti i zlatno medaljo, al nemajo ništ protiv tuduma nit Zanatskoga piva, ak je dobro društvo. Tak, ako očeš proveriti koji je čovek dober, dok dojde k tebi natoči mu Holstena z bambuče (al mora biti zdena). Ako jo rukne onak na  zdušak i porine roko za još, te čovek je vredu. To je test koji nigdar ne zakaže…

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI