Ribičke priče: Rakija ili ribičija, pitanje je sad!

Podravski list profile
Tam, crno na belo piše: Miješalica za beton, hitno, može zamjena za rakiju ili ribički pribor.

Kak se more znati da je nekom prekipelo do kraja i da je odustal od onog kaj bi većina ljudi nazvala normalnim životom. Pa puno je znakova. Na primer, nešče što je na sprevod došel v trenirki sigurno više baš neje zabrinut kaj bu što o njemu rekel i ne odaje dojam ambicioznosti. Isto tak, ljudi koji idu okolo i govore kaj im god padne na pamet, za njih mam morete znati da ih baš više neje briga, za dojam koji ostavljaju u javnosti.

Ljudi koji otiju v ribičiju na Uskrs, dok im doma dojde nekakva rodbina z Ottawe (dok se nemrete setiti kak se zove glavni grad Kanade, samo se prisetite da ima nekaj veze z krmom i mam bu vam došlo), nisu baš više zainteresirani za čavrljanja i blagdanska prenemaganja. No još do ve nisam videl jasniji znak da je nekom pun k… sega, od jednog malog oglasa u novinami pod rubrikom prodaja/zamjena. Tam, crno na belo piše: Miješalica za beton, hitno, može zamjena za rakiju ili ribički pribor.

Znači, taj je odlučil da mu mešalica za beton više ne treba v životu, jer mu je očigledno donesla samo muku. Bilo bi to još vredu da je čovek odlučil da mu mešalica više ne treba, a posebno je v semu tome važan odabir artikala koje bi on štel za zamjenu. Izbor je rakija ili ribički pribor. Oba izbora daju nam na znanje da se dotični više ne misli s ničim zajebavat v životu i da mu je jedina želja da ga više za ništ neje briga. Oba izbora nude baš to.

Rakija v isto vreme sužava, ali i širi pogled na život, jedini je problem kaj se moraš otrezniti ili vmrti ako ju ne staneš piti. S druge strane, ribičija je ipak malo bolji izbor, ona ima isti, ili slični učinak kak i rakija, ali bez pogubnog djelovanja na organizam. Zato se nadam da se ovom čoveku javil nešče s ribičkim priborom, jer u tom slučaju mu predviđam dug i sretan život. No, neje naodmet reći da je ipak najbolja kombinacija ribičija s čisto malo rakijice, tek tolko da se duša raspre i da more v sebe povleči čim više lepote, sreče i tolko željene bezbrižnosti. 

  • Podijeli na društvenim mrežama
Share on facebook
Facebook
Share on twitter
Twitter
Share on email
Email
  • Najnovije vijesti

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati.
Nastavkom korištenja stranice suglasni ste s korištenjem kolačića. Pravila privatnosti