Ribičke priče: Uskrsno čudo v lokalnoj birtiji

Podravski list profile

Ima ljudi kaj moraju lagati da idu v ribolov jer ono kaj delaju v većini sveta smatralo bi se još goršim dangubljenjem neg ribičija. Tak ima jen čovek koji je više od ribolova volel jedino kartanje za novce. Kak je v to vreme još živel z mamom, moral joj je lagati da ide cele dane na ribičijo, a zapravo se v krčmi  kartal za novce. Sirota žena godinama si je mislila da je njezin sin najvekši gubitnik na svetu, a kak bi si i drugo mislila kad je on, kakti, navek bil v ribolovu, a doma se vrnul z krvavi joči, bez ribe i lipe v žepu. Sirota stara majka si je tak pred Uskrs spravila novce kaj bu kupila ribe i kaj budu ona i sin jeli za Velki petek. Njezin sin je i te tjen zvanično bil v ribolovu, a zapravo se kartal v krčmi za novce i zgledalo je da bu pak se isto.

Njegov pajdaš je pak svojoj ženi moral lagati da je v krčmi jer njegva žena neje trpela ribičijo i govorila je svom mužu da bole da se kurva i pije, nek stalno čobi na te vodi. Tak su dvojica prijatelja lagala sebi, ženi i mami godinama se do jednog uskrsnog čuda.

Of kaj se kartal baš je taj tjedan zaslužil novce jel su bedake išle karte, a of kaj nesme v ribolov prijel je dva velka smuđa. Ova dvojica posle toga našla su se v krčmi gde je kartaš ribiča pital jel ima kakvo ribo za prodati jer je zaslužil novce na kartami i štel bi staro majko razveseliti z ribom.

– Imam, vlovil sam dva smuđa, a nesmem se doma pojaviti z dva jer bu ova moja znala da sem pak na ribičiji bil, a za jednog bum zlagal da sam ga kupil – veselo je pripovedal ribič kartašu.

Najvekšu sreću je na te Velki petek osetila majka kartaša dok se njezin sin  konačno pojavil doma z ribom i s više od 15 kuna v žepu. Ona je onda po selu ponosno govorila da je njezin sin stalno na ribičiji, al on bar prime velke ribe.

S druge strane sretna je bila i žena od ribiča, jer je mislila da jede kupovnu ribu. Uskrsno čudo osetil je i ribič koji je prijel dva velka smuđa, zadržal za sebe novce kaj mu je žena dala da kupi ribu i još k tome zaslužil 200 kuna od smuđa kojega je prodal kartašu. Ako to neje dokaz da ima Boga, onda neje ništ.

  • Podijeli na društvenim mrežama
Share on facebook
Facebook
Share on twitter
Twitter
Share on email
Email
  • Najnovije vijesti

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati.
Nastavkom korištenja stranice suglasni ste s korištenjem kolačića. Pravila privatnosti