Štefina, kak si tak zatucani i ništ ne razmeš: Čovek je od gledanja riba zgrnul milijone

Podravski list profile

Pripovedal sem Štefini kaj mi je govoril naš proslavleni ribič Kuzma. Rekel sem mu da američki bassolovac Kevin Van Dam služi milijone samo kaj basse lovi. Da to ljudi gledijo i da se snima i prenosi prek televizije i da mu onda sponzori daju velke novce. Prvo je Štefina mislil da ga zajebavam i štel me gotiti.

Onda sem mu pokazala na mobitelu slike i videje. Štefina je onda malo čkomel i najemput viknul: Van Dam?! Znaš kaj, pošali ti mene i Gobača v to Ameriko. Dok bi oni vidli kak mi i s kojim priborom basse lovimo zvali bi nas  Schwarzenegger i Terminator, a ne Van Dam. Druga stvar, te Amerikanci so tak glupi kaj plaćajo dok gledijo dok nešče lovi basse. Mene da nešče gledi kak lovim basse, ja bi mu za nogo železno kuglo zavezal i hitil ga vu vodo. Kakve su to gluposti, nabijem je tebe, Kuzmo i Van Dama znaš kam.

Reke sem mu ja onda: Štefina, bogtenemarad, kak si tak zatucani i ništ ne razmeš. Čovek voli ribe loviti i od tog je napravil posel i zarađuje milijone dok uživa, pak kaj očeš bolše. Gledel je Štefina pak malo slike američkoga ribolovca milijunaša i nakon nekolko minuta rekel da čovek dok ga gledi v tomu odelu punom z reklami, misli da je to vozač Formule1, a ne obični špineraš.

– Te Amerikanci so uspeli pokvariti i ribičijo. Ona je ne da se snima i prenosi bilo komu. Ona je da se živi. Od nje nesme čovek imati koristi, osim one najvredneše, a to je sreča kaj si na vodi, kaj osetiš drila, kaj si sreten dok na pračko vloviš ribo – objašnjaval je Štefina i se to popratil z takvi strašni kletvi kaj sem mislil da bu nas grom z vedra neba pogodil.

Pokušal sem Štefini objasniti da je to ve novi svet, da ovakvi kak je on pomalo izumiro, da se tu dela o snalažljivosti i kuražu, da z ribičije napraviš milijonski posel.

– Štel bi sam jedno prije neg krepam, da vidim kak bu te vaš novi svet zgledal, dok ga zgotovite. Samo pazite kaj njemu dojde kraj prije neg ga „usavršite“- zaključil je Štefina i otišel žinje oglenuti.

  • Podijeli na društvenim mrežama
Share on facebook
Facebook
Share on twitter
Twitter
Share on email
Email
  • Najnovije vijesti

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati.
Nastavkom korištenja stranice suglasni ste s korištenjem kolačića. Pravila privatnosti