Tipičnom podravskom ribiču ne treba verovati ni jeno reč kaj mu z lampi zije

Podravski list profile

Da mi je bila kuna saki pot dok sem čul da v našim vodama nema dosta riba, ve bi imal negde oko 200 kuna. Naši ribiči često cmizdre da v jezerima v našem kraju ima jako malo ribe i da se dosta ne poribljava.

– Zakaj ja plaćam 550 kuna za to kaj bom lovil v zdencu. Nemrem ništ prijeti, a saki vikend sem na ribolovu – reči so našeg tipičnog ribiča.

Prvo, našem tipičnom ribiču ne treba verovati ni jeno reč kaj mu z lampi zije, jel mu je glavni cilj biti protiv sega. Drugo, naš ribič za 550 kuna more loviti na dvajst jezeri, a bormeš i na reki Dravi.

E, tu ve dolaze v pričo Slovaki, koji so inače po novom glavni neprijatelji prirode i društva. Priča o Slovaki ide ovak: došla so četiri ribiča z Slovačke i kupili dnevne karte. Kak i sigde v svetu, mislili su si da z tem kartami moro loviti samo na jednom jezeru. No, jen naš ribič ih je prepelal po Šoderici, Jegenišu, Vidaku, Prosenici, po Autoputima i Dravi i kak su prehađali te lokacije, on im je govoril: Tu može ribolov…tu može ribolov….tu može ri…

Slovaki su ga gledeli z sozom v joku dok so skužili da ih of ne zajebava i mislili su da so došli v ribički raj gde s jednom dozvolom loviš na nepreglednim prostranstvima. Nakon kaj su bili na slatkim mukama i razmišlali gde bi lovili, odlučili so se za Šodericu, najveću, ali i najzahtjevnijo vodo za ribolov. Naši ribiči so se smejali i govorili: Kaj bodo te bokci vlovil v te vedrici. Mi koji smo tu maheri, nemremo dojti do ribe, a kaj bodo tek oni. Te šupelaki nejo niti griza imali.

O rezultatima ribičije slovačke ekspedicije morete čitati v sljedećem broju, pak vam bo jasno zakaj je v našem kraju slovački narod na brzino postal državni neprijatelj broj jedan, a onima koji govore da v Šoderici nema ribe morem samo reči da vužgo svog ribičkog ispita i štape daj nekomu koji se razme, i nek, ak se ufajo, a ne ufajo se, sero doma ženi. Ukratko, nek začepe svoje lampe.

  • Podijeli na društvenim mrežama
Share on facebook
Facebook
Share on twitter
Twitter
Share on email
Email
  • Najnovije vijesti

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati.
Nastavkom korištenja stranice suglasni ste s korištenjem kolačića. Pravila privatnosti