Tko je ubio dobru pticu Dodo?

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Malo po malo, bo i to došlo… rekel je Štefina dok je probal kak dela nova vakumirka kojo je kupil kaj bo vakumeral kobase, jer mu neso fine dok se zvade z škrinje. A kobase i špek su jako važni na proljeće dok ide na ribolov, jer nema ničeg bolšeg od kobasici, špeka, luka i beloga kruha na ribičiji.

No da se vrnem na to kaj je Štefina rekel i zakaj je rekel, i kaj bo malo po malo došlo. Štefina je, osim kaj ima sumljiva stajališta o ljudskim pravima, demokraciji i ljudskoj inteligenciji, veliki borac za pravico, a isto tak je veliki zagovaratelj provođenja pravde na brz i efikasni način. Štefino ovog puta muči kaj so, prema njemu, navek dobri ljudi oni koji najviše najebo, a oni koji se delajo dobro i kojima ljudi veruju su navek najvekši ološ (Štefinine reči, ne moje).

– Kaj ti misliš, što više mrda, čovek koji je iskren i koji se ne prenavla i govori se od srca ili pokvarenjak koji milno govori, a ftopil bi te v žici vode. Morem ti reči po svojem primjeru, a odgovor je of drugi. Tak i v ribičiji, gadi koji ga najviše sero o ulovi-pusti su najvekši rapšiceri – energično je objašnjaval Štefina i nakon kaj si je zel zraka (čitaj: eksnul gemišta) nastavil: Nek me napadno feministkinje, ali ako očeš imat ženski kaj bi ih z lopatom rashitaval, moraš bit gad i konjokradica, a oni kaj so dobri, pošteni, ženske gledijo kaj nekakvo strano, ali odvratno biće, spremno za izumiranje, pticu Dodo, mamicu im je… urlal je Štefina dok je hital vakumerko v zid jer je riknula nakon šet pari kobasici. Onda me poglenul i rekel:

– Ti si više ne mlad, ali još nesi ni stari, i još stigneš bit gad kaj neš prešel kaj ptica Dodo kojo su ljudi istrijebili samo zato kaj je bila malo nezgrapna. Postani mrcina lažljiva, postani govno smrdljivo i ne uzimaj zarobljenice, nek tamani se kaj ti dojde pod nišan…

Jer koja leži, ne beži. Kaj se tiče ribičije, isto tak, keč and speč! Postani robovlasnik, i ako treba, kupi si Lacoste patike, i govori književni, samo naj biti dober i čekati da i svet postane dober. Gledi, za mene je kesno i ja se jedino još morem nadati da se bo sve promenilo i da se bo moja naivnost na kraju splatila, a si znamo da je nada kurva i da saki den malo po malo nestajem. Jedina dobra stvar je kaj sem blizu mentalnog sklopa ravne crte, a i ovak me puno ne deli od ravne crte na ekranu. Još poniženje il dva i postal bom neranjiv…  

FOTO Ilustracija

Share on facebook
Facebook
Share on twitter
Twitter
Share on email
Email

Što to tam v bajti popevle?

Kakva se muzika čuje z ribičkih bajti? V onim kaj sem ja bil, ribiči, nasuprot očekivanju malograđanstva, poslušaju dobro muziko. A koja se muzika čuje

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI