Valda ve bomo vidli kaj je vredno, a kaj ne

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Teško je ostati pozitivan na događanja koje se zbivaju oko nas, i retki moro najti nekaj dobro v ovom semu. Kak i se, patnje ljudi oko nas, potrefile so i ribiče, koji so inače imuni na belosvetske brige, ali od ovoga se nemre i nesme pobeči. Ve bi vam štel opisati način na koji je se ovo podnesel moji pajdaš ribič Štefina.

Kak je stalno doma i nejde nikam (vidite i te tulumani ribiči se pridržavaju pravila, onda morete i vi), Štefina je prvi den ništ ne govoril, i po šupi gde mu stoje ribičke stvari stalno je nekaj premetal, ogledal je štape i čkomel i čkomel. Druge den se je malo pripil i onda je po dvorištu hodal, gledel prema nebu i zgovaral reči koje so ne za javnost. Štefina je tak urlal kaj mu je vlastita žena rekla da bo mu policiju zvala. No treći den Štefina se je smiril i na facu obesil osmjeh od kojega se ledi krf v žilami.

O semu tomo obaveštavala me njegva žena, jer se nesmo vidli ove dane. Veli da je tišinu pa onda posle urlanje očekivala, ali je očekivala da urlanje potraje celo vreme karantene. No Štefina je premenil pločo i ve se samo smeje. Znam kaj si mislite… Štefina je pukel.  Jeje, ali negde prije 25 let, a navodno se nemre dva pot poludeti. Ali ne, Štefina je v patnji našel smisla, nekak slično kak i mučenici. No, dok so oni imali svoje tamničare, mučitelje i krvnike, naš i Štefinin neprijatelj nema lice, on je zastrašujuće indiferentan i isto tolko moćan, on ne bira, ali i ne prašta.

Ne pozna naciju, spol niti v njemu nema, kak niti ljubavi tak niti mržnje. Veli od Štefine žena, da, dok o tomu razmišla, on po noći ne spi i samo govori: Valda ve bomo bolši, valda smo ve vidli da smo ništ i nikaj i da so se boli koje smo nanesli v prošlosti jeni drugima smešne, tragično nepotrebne, bez ikakvog značaja, jer se ve vidi da nikakvi svetski moćnici nemro zaustaviti silo koja samo tak more srušiti se naše i njihove babilonske kule – pripovedal je Štefina, a završil je mišlju: Valda si ve bodo vidli da smo mi u pravu.

Da je moj i tvoj Bara, svet, makar ti ništ ne razmeš, jedini koji je vreden očuvati – rekel je svojoj ženi Štefina v polumraku njihove spavaće sobe, dok je sedel na stolcu kraj obloka i gledel prema vun.      

FOTO Ilustracija

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI