Već vidim nekakvoga mulca kak se snima kaj je na Dravi i onda to odašila v svet

Podravski list profile

Kaj bo bez mene bogica Drava? Zapital se jeno letno večer Mirkina dok je bil v ribolovu na Podravski Amazoni.  Reko Mirkina, siguren sem da bo Drava i bez tebe tekla i da bo, dok ti capikneš, se više-menje ostalo isto, rekel sem mu ja i pokudil ga zakaj je takof megaloman, kaj misli da se bo bez njega sve naglavce okrenulo.

Mirkina je onda jeno vreme čkomel i potiho mi rekel: Jel si ti baš siguren v to? Poglenul sem ga i donesel nam pive z prenosnog frižidera, jel sem imal predosjećaj da bo ve počela priča o Mirkini, Dravi i svetu.

Moj predosjećaj je bili sasvim ispravan i  Mirkina je onda započel svojo pričo o Dravi, sebi i svetu.

– Prvo, mulec jen, ne mislim da dok je otegnem papke da bo Drava stala, ali jel bo jo što imal ovak z neizmjernim poštovanjem gledeti. Dok velim „ja“, onda mislim na dravske ribiče, znaš one staromodne, kaj dok dojo na Dravo ne gledijo v on prokleto svetlo, nek poslušaju kak ona po noći lepo teče (pod svetla Mirkin misli na smartfone, koji svetle v mraku dok se blešči v njih) – počel je Mirkina se više i više dodavati smisla svojoj priči.

– Vidiš ta svetla koja so zamenila kresnice v noći, znače da nam je više ne dost gledeti v ono kaj je pred nami, već moramo biti z misli sigde sam ne pred lepotom koja nam je pred nosom. Već vidim nekakvoga mulca kak se snima kaj je na Dravi i onda to odašila v svet. I onda pak saki pol minut ide glet što je stisnul onoga palca na fejzbuku – tumačil je Mirkina dok je zvlačil divera kilaša z Drave i nastavil:  Od sto palci kaj bo te takozvani ribič dobil, morti dva kaj vrede. Ostalih 98 su preseravanja, bezobrazno lefki način da se pokaže da kakti misliš ne nekoga, zato kaj si jempot pipnol palca na tomu prokletomu svetlu – već je pomalo bil i živčan Mirkina dok je objašnjaval stvari.

– Zato mislim kaj bo Drava bez mene, il ako očeš bez nas, ali i ti već pomalo v svetlo glediš. Drava bo onda, ni kriva ni dožna, prostitutka, koja bo svojo lepoto prodavala za lajkove i šupelake koji nit znaju gde ona teče! E, tu ti je ve na! – graknul je Mirkina.

  • Podijeli na društvenim mrežama
Share on facebook
Facebook
Share on twitter
Twitter
Share on email
Email
  • Najnovije vijesti

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati.
Nastavkom korištenja stranice suglasni ste s korištenjem kolačića. Pravila privatnosti