Zemla je ravna ploča, Japanci letiju v zrak, a influenseri su norci prepametni

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Pital me Štefina da kaj je to influencer. Česal sem se po glavi, zamuckival, započinjal objašnjavati, pa pak zamuckival i na kraj sem mu rekel da to ne moči objasniti.

– Gle Štefina, to ti je nekakva ili nekakof kaj nekaj napiše ili snimi video o nečemu i onda se o tomu raspravla na društvenim mrežama, raspravla se zato jer so oni koj prate tog influencera zaključili da on ima nekaj o tomu za reči. Samo me naj pitati na osnovu čega so to zaključili – pokušal sem objasniti Štefini pojam influencera.

Štefina se je smejal kaj vrag na moje objašnjenje i kroz soze mi je govoril.

– No to je nekaj novo, kakti. Pak na ribičiji influenceri, a ja ih volim zvati norci prepametni, postoje otkad postoji ribičija, a ribičija postoji otkad ima ljudi. Nešče veli da je na nekoji grabi najbole loviti dok se vuni musiče. Onda se to proširi med ribiči i si se svade oko toga kaj vragi, a of kaj je to rekel nit sam ne zna kaj je reke, a to večer je bil totalka od rakije. Isto tak influencer je bil Štefina, drugi Štefina, ne ja, kaj je prvi prek cele grabe na Klokanu razvlačil. Dok je on počel, onda so mam i si drugi – objašnjaval je Štefina da ribički svet za influencere zna već fest dogo, samo kaj se drugač zovo.

Ali onda je došel zaokret i Štefina je počel braniti influencere, one ribičke, ali i one moderne.

– Gledi, ako na svetu ima dosta, a ima, šupelaki, koji nemaju svoj mišlenje i koji so spremni poslušati nekakvog norca, koji ni sam ne zna kaj oče, onda bi bilo glupo od toga norca da to ne skoristi. Pak ljudi veruju da je zemla ravna ploča, smo zato kaj Japanci ne letijo v zrak jer so naopačke, pa kak nedo onda verovali nekavomu dečkiču koji na yubitubiju govori da dok nosi jedno čarapo crveno, a drugu zelenu, da se nemre ženski otrarasiti kaj skačo na njega, a puno pot je to čak i istina. Znači: Influenceri, samo derite! – urlal jer Štefin kroz smeh.  

Share on facebook
Facebook
Share on twitter
Twitter
Share on email
Email

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI