Žene so bolši ribiči i nogometaši

Podravski favicon - Podravina i Prigorje - Koprivnica - Križevci - Đurđevac - Ludbreg - Aktualne vijesti - Zanimljivosti - Fotogalerije

Kolege i ja smo baš nekaj pisali (imate na zadnji strani članka) o ženskom nogometu. Još mi jempot nešče reče da nekaj delam kaj ženskica ili malo prosteše, (ona reč na „p“), rekel bum mu: Fala ti na komplimentu!

Znači, muški nogomet je naspram ženskoga balet kojega plešo nekakva čudna biča koja opče nemajo toleranciju na bol (čast iznimkama). Gdo bi del slepoga čoveka koji nigdar neje pratil nogometa, a kaj bi ga pratil kad je slep, kraj nogometnog terena gde igrajo muški, te bi si na kraju utakmice mislil da je bilo četiri slučaja strgane noge, tri igrača na traumi i bar jenoga na privremenom čuvanju pri Suhanu (lokalano pogrebno poduzeće).

To su jauki, zavijanja, zapomaganja, zanovetanja, cmizdrenja: auuuu, jaaaaaaaaj, aaaaaa! Čovek bi pomislil da je v starom Rimu i da gledi gladijatore kak si odsecajo noge i roke i jetru sprepikavaju z mačom. Al ne, to je se na utakmici muškog nogometa, očete nekakve selske lige, ili lige prvakof, isto je…

Ne, malo je gorše na ligi prvaka. Onda otijete na nogometno utakmico gde igrajo ženske. Čoveko dojde da uleti v teren i veli nek se prekine utakmica. Jen start, drugi, kost v kost, krv z zobi, ali nit  jednog jauka. Nekakov Ronaldo ili Neymar bi do srede vriščal da ga pokupi kakova stoperica iz ŽNK Koprivnica. Bojal bi se igrališta, fobijo bi imal od nogometne lopte, a žensko više od straha ne bi do kraja život poglenul. Kak je v nogometu tak i v ribolovu. Ribolovki, iako ih ima malo, ali zadnje vreme na sreću se više i više, bez problema dok dojdo na kakvo natjecanje, pogotovo za laganim priborom, pobjeđuju svoje muške kolege.

Pri ribolovkami nema  ovak bomo, onak bomo. Nema besciljnih  rasprava o vrsti vodice, kontrakuke… One jednostavno dojdo i lovijo ribo. Kak i v nogometu, tak i na ribičkom natjecanju nete, usprkos uvriježenom mišljenu, čuli žensko čakulanje, već neumorno  blebetanje  muških  članova ekipe.

Zato ak mislite da ste frajer jer igrate zadnjeg veznog, ili  zato kaj ste zvlekli velikog šarana, promislite još jempot. Setite se kak ste se bečali dok vas je protivnička petica malo po gležnju toknol, ili dok ste tristo pot cvilili pri pušingu ribe, se do jedne sobote dok ste, ni sami ne znate kak, zvlekli tridesetkilnoga soma z vode. Setite se da to žene ribolovke i nogometašice odelaju z laganim osmjehom i bez urlika i beča.     

Kolumna Ribičke priče objavljuje se svaki ponedjeljak u tiskanom izdanju Podravskog lista…

Share on facebook
Facebook
Share on twitter
Twitter
Share on email
Email

Ovo su najbolji županijski blinkeraši!

Posljednje četvrto kolo županijske Spin lige održano je na Šoderici jučer, u nedjelju, a županijski prvak u „spineraju“ je ekipa ŠRK-a Šoderica. Naime, ta ekipa

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati. Nastavkom korištenja stranice suglasni ste s korištenjem kolačića. PRAVILA PRIVATNOSTI