Kaj onda nejdeš nikam? Zbunjeno je pital Brane jednog svog poznanika, s kojim se vidi sakih deset let. – Ne…- poglenul ga je njegov pajdaš, s pogledom koji je v isto vreme isijaval ponosom na sebe i svoj obiteljski život, ali i v isto vreme z strašnim osjećajem da nekaj neje vredu. Niti v krčmo?, pak ga je pital Brane. Ne! – sledil je pak isti kratki i jasni odgovor.
Premišlaval si je Brane v glavi, brojil na prste, kolko je on of tjen pot bil v krčmi, kolko pot je bil v ribičiji, onda je ispalo da nema dost prsti. Kak vidite, tu se dela o sukobu civilizacija. Brane s jedne strane ne vidi smisao života ak doma sedi, njegov pajdaš pak ne vidi smisao ako ga provede dve trećine ili još malo više, bleječi v vodu ili v konobarico.
O semu tome sem pital Štefino, da vidim što je v pravu, Brane il njegov pajdaš. Štefina, kakof je, mam je ispalil da su Brane i njegov pajdaš skupa za menom mulci.
– Život ti se navek svede na ono kaj si mogel napraviti, a nesi. Brane bo navek mislil da je preveč v krčmi i da je potratil života, da je mogel imati nekaj bolše. Njegov pajdaš pak bo jako sreten kaj ima lepo familijo, kaj je puno priskrbel, ali bo si mislil da je mogel malo bole uživati. To je život, žaljenje za onem kaj nesi napravil – rekel je Štefina, i dodal da to ne nijen američki psihoterapeut promenil.
Dok sem ga optužil da pak ne ništ rekel, nek mi je pak prodal „muda po bubrege“, onda se je malo namrgodil, popil belko i rekel:
– Ako me baš vlečeš za jezik, onda ti bom rekel ovak. Ako morem birati gde bom srdit na sebe i celi svet jer nesem zadovolen z životom onda biram svojo bajto, jer je nekak čoveku lepše biti nesreten dok je na ribčiji, ali to sem samo ja. Saki ima svoje omiljeno mesto gde potrati život. Nekomu je to v štali, nekomu na ribičiji, nekom na ženi, nekom na utakmicama, nekom v kladionici, nekomu v ratu – tumačil je Štefina i dodal da ipak postoje ljudi koji su i objektivno glupi.
– Ljudi koji se svade prek komenatari na fesju i pišu jeni drugomu da su četniki i ustaše. Oni moru biti sigurni da su potratili život, jer se nemro niti posvaditi kaj ljudi, mi ostali se samo pitamo…
