Znate li koji? V ribičiji postoji samo jen smrtni greh

Podravski list profile

Pijača na ribičiji nigdar neje bila problem. Dok malo bole poglenem, oko 40 posto ribiči ide na ribičiju sam kaj bodo mogli piti, a da im nišče ne sere. Dok si na vodi, ak si s pajadšom, on ti sigurno ne zanovetal kaj tuliko piješ. Na vodi nema policije koja ti bu vozačaku zela. Na vodi (većinom) nema žene,  koja ti bo brojila sako čašo, nema mame, cure ili zluradoga pajdaša koj ti v krčmi broji kolko si popil. To je se lepo i bajno.

Drugi den se moreš šaliti s pajdaši kak ste bili pijani i kak je Bobi opal dok je pišal i to v svoju pišalinu, ili kaj je Zlatkina tak prdnul od tuduma kaj mu je vušlo v gače. Nigde na svetu neje normalno biti poscan i posran neg samo v ribičiji. Istini za volju, to je tam tak normalno kak je župniku normalno misno vino gotnoti. Ve govorim o normalnim ribičima, ne ovim kaj dojdu na ribičiju z svemirskim brodom i takvom postavom kaj, osim za ribičiju, more služiti i za protuzračnu obrano. No kak velim, se je to jedan lepi san do jednog trenutka, a to je ak zbog pijače zgubite ribu.

Je, onda je vrag zel šalu. Ako dok kontrerate zabite zateči rolicu ili pijani mesto da z podmetačom vlovite ribu koju pajdaš zvlači, opanete v vodu, onda smeh naglo stane. Onda vaš pajdaš ne bira reči z kojima bu vas zvređal i gledi kak čim prije dojti do hladnog oružja da vas osakati ili zatoče. Onda se događaju bitke, spominjanja uže i bliže familije, većinom u kontekstu spolnog općenja, a najviše se spominju mama ili sestra.

Znači, ak ste ribič, nesmete si dozvolit da ništ ne pijete jel vas budeju si gledeli kak nekakvoga čudaka i nišče se z vami ne štel družiti. Isto tak, nesmete se pak tak napiti kaj vam onda zbog toga riba pobegne. Evo primera. Bili so na ribičiji Štefina i Brankina. Štefina je imal griza negde oko dve v noći i oko dva promila. Štefina je zategel, a Brankina je čekal z podmetačom. Malo je preveč takof pijani bleščal v vodu i onda mu se zvrtelo.

Opal je na flaks i se strgal. Dok se Brankin jedva zvlekel z vode, Štefina mu je mam rekel: Tolko piješ kaj bi trebal vinobrana v sebe deti i oplel ga po glavi kaj se of vrušil. Sa sreča kaj se delalo o šarančoku od dve kile. Da se delalo o kapitalcu, nesmem ni pomisliti do čega bi došlo, jer je Štefina poznat da često zna posegnuti za balticom dok ga nešče iritera.

  • Podijeli na društvenim mrežama
Share on facebook
Facebook
Share on twitter
Twitter
Share on email
Email
  • Najnovije vijesti

Upišite pojam koji želite pretraživati

Na našoj stranici koristimo kolačiće (cookies) kako bismo Vam mogli pružati usluge, koje bez upotrebe kolačića ne bismo bili u mogućnosti pružati.
Nastavkom korištenja stranice suglasni ste s korištenjem kolačića. Pravila privatnosti