Piše: Vladek Antolaš – MASTERMIND
Svi gradovi u okolici su se hitili na glancanje i preuređivanje trgova . Koprivnica je zadnja napravila svoje zrcalo prema svetu, a v Bjelovaru (bokte) su pred samim finišem da svoj korzo pokažu svima. Križevci su pak kakti završili lane svoj (a kulki vele da to još neje gotovo). Pri nama v Đurđevcu zadnja promena na samom trgu je bila dok su meknuli one brončane partizane s tri prsta .
Bjlovarčani su, po mojem viđenju, trefili najbolje. Bjelovar nema zaprav klasični trg nego se korzo preleva preko celoga centra da bi se pred „Vel’kom crkvom“ spojil z parkom i prešel dalje do Gimnazije. Korzo je kičma sega toga i morem vam reči da bu svetski zgledal jer ovo kaj je do sad napravljeno je top. Bogato nametan raznim kvalitetnim klupama „nameštajem“, a se skladno i oku drago. Drvovolje širom zasađeno i to je korzu falelo. Jedina je mana da su pojedina dreva već birtije zajašile z terasami, a negde su dreva i spuknuli.
Koprivnica inače ima trg ogromenski i takov prostor je problem jer da kaj deneš je kap v moru kvadrata. Velik trg ipak nosi monumentalnost i lepo je gledeti kak se panoramski spaja z parkom . Klupe pak zgledaju jeftineše za razliku od Belovarskih i kak sem videl neki den već su poserele i kiša je farbu zeprala (možda je to eko a ja pojma nemam ). Drugi i ne menji problem je ono gvozdeno drevo koje mi liči na otrgnjeni retrovizor od Fapa. Po meni bolje da su z jablanom presekli te veliki prostor. Vodoskok pak veseli decu i ponoći je lepši nego po danu. Dah vam zasigurno zastane dok vidite ono cvetje koje je eksplodiralo bojama z ove strane trga od Kavanice ako idete.
V Križevcima sem menje bil al kak se sečam nigde lada nema. Kak su dugo delali na tome moglo se i bolje. Križevci jesu specifični isto kad tam nit je korzo nit trg, a morali su zmiksati i još k tome imaju onega jarka de koncerte održavaju. Istini na srce meni su sve sporedne vulice kudikam lepše i čarobnije oko trga nego sami trg koji je živ za dane Spravišća, a posle utihne. Eto nesem školovala a imala sem novce, tak mi zgleda ta pesma.
A sad Đurđevec. To bumo tek vidli jer kao radovi počinju i već su meknuli onu „klet“ z trga a pomalo se od Doma kulture i Inkubatora smiče nova vizura još od lane. Projekt je prvi bil v ladlinu još 2016 i stalno se najavljivalo po potrebi vlasti da „sad će pa sad će „ samo kaj neje.
Zadnje najave od pred mesec dana su vrlo ozbiljne, no s novom najavom je došel i novi projekt i nova ideja. Stari nacrt od 2016. je još bil živ i zadnje velebno najavljen v jeden četrtek 11. svibnja 2023. na stranicama grada i prije toga jen četrtek 29.rujna 2022., itd. itd. Kaj se moralo dogoditi da prva ideja zamre ja ne znam iskreno se nadam da su obadva projekta pošteno plačeni. Nadam se da ne bumo i treči projekt plačali. Ako je isti projektant onda dva put je dva put, a i ovaj zadnji projekt mi se baš sviđa jer bu pobedili Bjelovar (bokte) i Koprivnicu i Križevce dabome. Bude dosta ladovine i bude preveč droteni i bude fontana, klupice i sve kaj imaju i drugi, ali skladno menše i će-će .
JAVNO POHVALJUJEM, makar bi svu tu lepotu mogle vrane posrati.
Živi bili pa videli!
