Piše: Vladek Antolaš- Mastermind
Kak stojite z karticama vjernosti kupaca? Znači nema mi vekše debilane nego dok me na kasi pitaju skupljam li bodove, imate li našu aplikaciju ili pak karticu vjernosti. Novčaniki bi nam trebali biti debeli kak cigel jedinka dok bi nam sve te kartice nuter stale. Svi trgovci i ta njihova filozofija igraju na naš ego da bi si mi mislili kak smo „so spešl“. Ako si dober i veran kupec i skupljaš nagradne bodove, budeš videl raja na zemlji u obliku 10% popusta ili buš pak mogel kekse od smokvi kupiti 2+1 koji su ionak pred kraj roka. Znači takva je praksa i taktika svih dučanov i to je ono kaj je sramotno i poražavajuće. Da vam odam tajnu – nišče od vas im neje poseban! Takvih ima milijon. E sad, da vas ja pitam, jel ne bi bilo normalno da nam spuste cene svima za 10-15% bez prenemaganja i da nas ne lažu v joči kak smo posebni? Baš smo posebni, specijalni smo, specijalci da ne velim, kad si to dozvoljavamo. Ajde brate, ako imaš lera da nam spustiš cenu na račun nekakve aplikacije i kartice, onda imaš mesta da olabaviš i da nas oslobodiš prekapanja po torbama i novčanikima da najdemo kartice. To je jedna bedastoća, a druga je još i vekša, a zove se trajno niska cena. Denes na svaki kur*c napišu „trajno niska cena“ i sve se samo crleni od, opet pogađate, posebnih cena. Da vam odam tajnu – te trajno niske cene su redovno vekše od ceni v drugim zemljama EU, z kojima se mi volimo usporediti. Super smo i tu bedaki ispali. Plače nam nesu evropske, al su nam cene bogme jakše pa čak i „trajno niske“. Nemam reči, mi ko da nečemo da se probudimo. Došli smo do još jedne bolne točke naši dućanov, a to je „AKCIJA“. Na akciji da je govno mi bi ga kupili jer je, evo, baš sad sniženo bez obzira jel ravno ili sveknjeno na vrpu. Čak to govno ne mora biti z okusom i mirisom, ekološko ili bio, bitno da je na akciji. Specijalni smo mi narod, kupujemo stvarno govna na koja se ni muve ne bi lepile samo ako nešče v njega zapikne tablu „akcija“. Urbani je mit da trgovci iznad redovne cene napišu skuplju i samo je prekriže mam pa nam redovna cena zgleda ko akcijska. Nemojte misliti da ja to tvrdim, ja sam samo tak čul. Ajde, mi još kakti imamo izbora pa si biramo kaj i gde budemo kupili i de se budemo osećali manje izjebani u mozak od strane kombinata, a kaj je z trgovčicama i trgovcima? Jel vi mislite da je leko saki den ko papagaj govoriti da su kvački za veš na akciji? Jel leko pitati svaku babu za aplikaciju pa onda baš dok ju baba ima, onda ti moraš ko trgovec prekapati joj po mobitelu jer ona ne zna sama? Jel leko objašnjavati zakaj nema više graja na akcije ili da se jeftin cukor pred berbu more kupiti samo 10 kil po osobi? De su ona lepa vremena dok je v dućanu moj sused Šime (sad pokojni) na paper z olovkom napisal kaj te ide i prodal ti čega je bilo. Ajde, svi trk na kiosk v pondelek, Podravski je na „akciji“.
