piše: Vladek Antolaš – MASTERMIND
Dok se v Zdelicaj nebo namrgoda od strane Gornji Mosti i Javorovca, ljudi vele da je to z Babinoga kuta i taj izraz već sam po sebi govori ko je kriv za loše vreme. Babe su krive! To je prva naznaka da su stari ljudi možda sumnjali da je Bog žensko, ali nesu si smeli to priznati jer ih cirkva vuči drugać. Zaprav, vremenske prilike i neprilike nam puno više govore o liku i postojanju svevišnjeg bića nego kaj si mi moremo zamisliti. Ajde rečite vi meni ko normalen more ostaviti sunce na 45 cele dane da prži? Kao klimatske promene budu krive, a jel nešče redovito ne ostavlja peglu uključenu isto tak? Jel nešče ne porine puru v rolj i otide samo na kratko do susede pa se posle ščuđava kak je pura zagorela? Znači Bog koji nam šalta vreme je žensko sto posto.
Da je muško, on bi sedel pri rolju na stolcu i gledel v tu puru, ne bi se od rolja mikaval samo da špota posle ne dobi kak se purica začađela. Ništ vam još ne zvoni? Ok, evo još da vam objasnim. Denes je kiša naglo opala nakon valjda sto dana sunca. Sve kaj se trebalo speći se valjd i speklo, trava je žota, zemlja trda, listje gobavo, čerep razbeljen i sad evo kiše. Pa kak? Pa tak! Znate li vi koju osobu koja bi se mogla trucati danima, danima i danima po svoje i onda od jemput samo zakrene ko da nikaj neje bilo i blagost samo dojde ko ta kiša nakon mesec dana sunca? Ak to neje ženski manir, onda me koljite.
Kao evo sve je v redu ne znaš kaj si bil kriv za ove vručine, al eto, moraš biti zafalen na jednom danu kišice koja te malo razladela. Mislim dajte najte. Ajd, ne verujete još? Kak morete objasniti da v jednom danu sonce isijava kaj se asfalt topi, a za pol vure dojde zdeni veter i tuča nam posipa po kukuruzu da bi posle opet sonce zateralo? Jel to nesu valungi? Bogek je morti već stareši i ako je žena, onda smo ga tek najebali. Sad joj zdeno pa bi vužgala centralno, sad ju pak znoj obleva pa bi samo zraka, vetra i opuja.
Ne usudim se ni pomisliti da sam u pravu. Bog ko žensko je u stanju kišu pustiti samo da susedi veš zmokne ili pak suncem pržiti da drugoj „Lize“ na balkonu skuri do temelja. To da je muško vu pitanju, to se ne bi događalo. Jel vam jasneše sad? Mislim moderno je v denešnje vreme raspravljati o rodu i spolu pa bi i Bogeka mogli osloviti s on, ona, ono ili ono nešto, al to sad neje tema. Ko stoji iza paravana velikog čarobnjaka u Ozu Doroti je saznala tek dok je došla na kraj puteljka popločenog žutim ciglicama.
Tak budemo i mi na kraju puta saznali ko je zaprav taj stvoritelj. Ak je stvarno žensko, ja sam nagrabusil. A ko bi nam vgodil kaj se vremena tiče. Evo, kišu molili mesec dana da bi sad jeden med nami rekel kak mu je sad sparno. Aj naj, samo naj! Bilo kak bilo, mole se svi ljudi da si dobro, dobro zapamte ove vručine – da se ne dogodi da bi na godinu govorili da su vrućine opet nezapamćene.
