Piše Vladek Antolaš Mastermind
Ko god da vodi klub i politiku NK Graničara, podseča nas na film „Glup i gluplji „! Gledimo film i mislimo – pa ne budu valjda?! Kad ono sve kaj more krenuti v rikverc krene još i gore tak da se humor zgubi i norčenje prevlada.
Tak se Graničaru nakon godina zapostavljanja i ignoriranja problema (jer je očigledno bilo videti da se talentirana deca razilaze ko rakova deca) odjemput se prikazal Messi(ja) koji bu spasil klub svojom pojavom i zacrtanim kursom oporavka, no ovak je to zgledalo…
Situacija je zapravo bila slična onoj dok šofer veli gazdi da kamiona treba održavati, kupovati nove dele, tankerati i podmaživati, a gazda je zanemaril jer je veliku garažu prvo nakanil zezidati. Tak se vlast ponašala prema klubu, neje se ulagalo dovoljno u pogon, već su se sve karte hitile na stadion. Nakon svega kamion je stal, getriba zacvikala i šofer je pun gas tresnol v mostec. Sad se gazda još našel spašavati šofera, ali se pokazalo da nema pojma o prvoj pomoći pa je još šoferu i kičmu ftrgel.
Rezultati pokazuju da je klub pretrgnjen. Godinama se neje štelo plaćati kak spada igrače jer se smatralo da oni budu igrali od ponosa. Prevlače se teorije o drugim klubovima i njihovim torbarima koji s torbe novce vade i „kradu“ nam mladost, a celo to vreme nešče v truc neje štel, mogel ili znal nameknuti novce pa i legalno platiti svoje dečke. Neje se imalo valjda, a za nepotrebne Turske kule i parkinge gde nitko ne parkira, za to se imalo? Da se štelo, našlo bi se rešenje ko i sad kak se našlo, ali tri lete prekesno. Sad su se iz šešira spuknuli novi ugovori i odredila se cena. Tak znamo da dete košta 750 kn na mesec i konačno budu nekaj tržili i oni.
Da smo jasni, nesu deca kriva kaj bi dio kolača nakon godina i godina treniranja od piceka do juniora. Nesu deca glupa dok glede kakve se sve debele podbranje oko nogometa motaju po cele države tak da bi i oni malo mašče jer oni igrajući prodaju nostalgiju koja nas stare nakaze vrača u mladost jer smo i mi negda mogli tak bežati. Lepo je i gledeti dok „naši“ pobede pa to molim nek se plati.
Problem je da je kesno Marko na kosovo stigel ako se ovak nastavi jer ovak moremo samo pasti ligu niže i igrati derbi z Mičetincom, a dečica „izlazne generacije“ koja su pod ugovorom pod mus budu vezana da padaju s klubom ili budu roditelji coltali skupe otkupnine.
Jasno je da je po zakonu sve, ali u zao čas i još bude tu ohoho glavobolja roditelja.
Meni čak ni neje za nogomet ni za rezultat, meni je krivo da je na zadnjoj domaćinskoj utakmici bila grobna tišina jer je svima jasno da cela ta akcija spašavanja s agencijama, Brazilcima, trenerom i njegvim golmanom (čak iz Zagreba) je figa v žepu. Žal mi je navijača i ljudi koji su uz klub celi život odmalena. Žal mi je i ljudi koji su pozvani da pomognu klubu pa moraju čkometi i delati po depeši iz Grada.
To mi je žal da se politika sakam meša ko Vegeta. Primamljivo je slikati se pred izbore kak se deci trenirke dele na novom stadionu, ali dalje od toga nek se ne mešaju. Nek struka i ljudi koji vole klub vele svoje, a ne ja i ovi kaj se posebno razmu.
P.S. Aj zamisli dok Brazilci istrče v Mičigenu, budu se lekše prodali!
