piše: Vladek Antolaš – MASTERMIND
Denešnja tema je skočila sama od sebe. Kao uvod moram reči da sem na neki način fasciniran ljudskom gluposti i to me privlači. Zapravo valjda kaj privlačiš, to i zračiš. To vam je nakaj ko ono da lopov lopova prepozna pa tak i ja imam senzor za gluposti i gluparije. Pa da krenemo. Živa panika se neki den v našim redovima stvorila oko uređenja glavnoga nam trga. Da vam mam velim, ima na trgu toliko gluposti već sad, al kad neje gotov, se si mislim da mu damo šansu da se posel zgotovi pa budemo onda zbrajali plus i minus. Navedena panika pojavila se u javnom prostoru da bude gradska vlast odselila dječje igralište kraj poslovnjaka. To je tak i zgledalo pa su se majke, očevi i deca dali v brigu čim su se bageri pojavili motati med decom po igralištu. Doslovce su težaki prekopali igralište na početku kod trga, a još jemput točno po pol. Tak ti meni svet pripoveda da su čuli da se igralište mekiva v kraj. Ide proć, nekam iza poslovnog, bog se pitaj kam. Ja si pak mislim (poučen glupostima) pa nesu valjda baš tak glupi ovi koji nam gaće kroje da bi igralište koje je deto baš kam treba išli selit radi hira nekoje estetike i uređenja trga. Pa reko nesu valjda tolko glupi ak su z trga napravili parka, i z tem potencijalno oterali događaje z trga, da budu i decu oterali nekam v zapeček.
Tak se ja malo intereseram i saznam da ipak ne budu selili igralište. No opet je nešće toliko glup da to isto igralište prekroji z dve šodrene steze omeđene aluminijskim rubnjakima na koje se budu deca popikavala i nedaj bože čube rasecala. Jel moguče da je nešce toliko glup da ne vidi da je takva pizdarija od železa očigledno krajnje bezveze i opasna po decu koja na igralištu ipak beže i ak treba divljaju jer je to igralište, a ne sjecište puteva prema zgradi de stoluje dragi vođa. Jel more nešće biti toliko glup da ne vidi da toga šodra bude širom po travi. Onoga novoga šodra z trga ljudi već na cipelaj do Friga na kat v robnu raznašaju, a kaj budu tek deca z ovem na igralištu. I na kraju je neki taj kralj gluposti stezu napravil po sredini putanje one sajle kud se deca voze (zipline to zovu). Pa čekaj glupane glupi, jel bude se del semafor da se zna kad idu pešaki, a gda se deca moru spustiti? Gledim i ne verujem! Majstori koji to delaju isto glede i nemru verovati kaj delaju. Deca glede, ne veruju. Ok, ja sem isto glup pa se ne razmem, mortem mi vi objasnite dragi čitatelji. Evo, ubi me, al to je bedasteše od sega kaj smo do sad imali. Osim kaj je totalno bezveze, opet to nekaj i košta. Lako se glupirati od naših novci. Budu rekli Evropa plaća pa ko ga jebe, al i mi smo z te Evrope i na koncu kraja, sve budemo to skupo preplatili. Evo ja napisal, a vi sudite, pogledajte to kaj je denes tema pa vidite jel bi ovo mogla biti nagrada za „Đurđevečki glup i gluplji“. Sve ovo pada u vodu ako ipak odsele igralište, al to bi ipak bila nagrada „Superglup“.
