Već sam vam prije pripovedal da sem se ko mali vozil na kole z bakinim susedima, tam v Katalene, i neje nam se nikam žurilo i te den se moralo samo jedna stvar obaviti na putovanju v Čepelovec. Pomalo sem sedel na klupčice od kol i konjeku v rit gledel. Bilo mi je preveć zanimljivo gledeti gda bu konjek prdnol ili se, nedal Bog, putem nametal po asfaltu. Kak se to sve zmeni v jednome životu da se, eto, v ovo vreme dan za danom nekam žurim.
No takvi ste i svi vi. Promet ubrzava, a mi nemamo čas pa se tu i tam nešce popikne i potere auta. Prošli sem se tijeden naslušal raznih dogodovština oko saobračajki. Jeden je čak na hižu z Mercedesom naskočil tak jako da su v te hiže stene popucale i prašina z tavana spala. Bog se pitaj kam se ti žuril baš tak jako. Onda je v Bjelovaru (bokte) v dva dana vlak pregazil dva auta, naravno skupa z šoferi. Jednomu se neje rampa spustila, a drugi je štel biti bržeši od vlaka. Zanimljivo je kod ove prve rampe da je strojovođa pajdaš ovomu kojega je pregazil i da saki den skup piju kavu v istoj birtiji i za istim stolom. Pa kam baš njega? Eto kaj je sudba i promet. Svi su živi, to je bitno. Kaj se tiče putovanja, si znamo da je kolaps v Zagrebačkom prometu svakodnevica. Gužve, stiskanja i kešnjenja su normala. Prometnih nesreća na hitanje. Reklo bi se zastoj, a kak je to kod nas? Tam ima i puno semaforov, dok pri nam v Đurđevcu ima samo jeden.
Zanimljivo je to da su v Šemovcima dva i da su napredni spram nas. Ruku na srce, to je privremena regulacija, jer tam se aglomerira (kopa za kanalizaciju). E o ta dva semafora sam vam zaprav štel pisati, no mozek mi optomgošče preskače. Štel sem vam reči da se prometne gužve v Šemovcima ne bi posramile ni ovih Zagrebačkih. Mi koji saki den tud putujemo nesmo valjda niti jemput na zeleno naišli. E tak, saki jebeni put je črleno, i to na obe dva semafora. Kaj bi se čovek dal da se v tem Šemovcu barem jemput potrefi to zeleno. Dok nekaj nema smisla, onda nema. To su svi doživeli na magistrali poteza Đurđevec-Belovar. Ajde slikajte i pošljite ak je ko gda na zeleno naišel! Dobro, nekak se čovek pomiri i eto, ja sem se tak, dok sem čekal na semaforu, setil da mi se negda neje žurilo nikam dok sem gledel onomu konjeku v rit, a sad morem gledeti v crleno svetlo semafora i čekati da prejdu meseci da se ta aglomeracija zgotovi.
Ma ima još jedna pizdarija po pitanju te aglomeracije. Mislim dodija, al eto budu ljudi v Šemovcima na fineše kakili i drekec se ne bu više tumbal iza koca ili koprcal v septičke, sad bude samo milno kliznul niz cev da se ne ošteti. Bože dragi, kulke smo mi novce dali doslovce za govna. Al tak je po cele Podravine i države. Lep trošek za guzice. E da, da se ne razveselite prerano, dok se posel v Šemovcima zgotovi jer vidim da je Hampovica posprejana sa na črleno, tak da budu semafore tam presadili. Tak da semafori v Šemovcima dodijajo, a v Hampovici tek bodo. Lepo!
