Ovaj tekst je objavljen u tiskanom izdanju Podravskog lista
piše: Vladek Antolaš – MASTERMIND
Jel sam vam rekel? Laci opet spasil HDZ skup z DP-om! Jel sam vam lepo rekel da je glas za Lackovića direktan glas za Plenkovića? Jesam, rekel sam! Jel tak? Tak je! Mislim, da se razmemo, HDZ je napravil dober posel, dogovorili su sve na vreme, kupovali, rovali i mutili vodu. Organizirali su se kak spada, rasporedili se, išli na ferme i krstitke da uvate DP u mrežu. Bilo je i lekše neg se nama čini, jer ipak su DP-ovci svi prije bili v HDZ-u. V izborne noći, kak su v stožer DP-a stizali rezultati, nešće je svako malo zapljeskal dobrom rezultatu HDZ-a. Tak da je sve ovo posle izbora bil cirkus za narod. Ruku na srce, oporba je totalno nesposobna jer su točno jednako bili motiverani z svojim egom pa se nesu spojili na vreme. Sad im ostaje kukulelati još četiri lete.
Nema tu ni jednog vođe na pomolu da oporbu skupi v jednu škatulju. Ovak oni bazaju okolo ko male race dok im mame nema. Čak sam zaključil da je Milanović z svojim glupim igrama više mobiliziral birače HDZ-a nego SDP-a, nemojte da vam nesem rekel da mi se vidi da on za tuđu hižu gledi, a ne za svoje crlene. E sad, si oni koji su dali glas našem Laciju i DP-u da smaknu HDZ s vlasti su denes razočarani. Takvih je Đurđevčana barem za trećinu, ako ne i pol. Pol birača se sad grize zakaj su opet naseli. Ljudi su do te mere razočarani da su kulki javno po fejsu DP-a objavljivali kletve i uvrede celoj toj ekipi. Za mnoge je DP postal Domovinska prevara, Domovinski preokret i Domovinski potop skupa sa svojim ortacima. Još su 14. travnja na svojem fejsu napisali da ko ode u vladu s HDZ-om je izdajnik Hrvatske. Tak su sami popljuvali sebe i našeg nezavisnog. Obrisali su naravno sve takve objave na društvenim mrežama i sve loše komentare. FB Nezavisnih pak mudro šuti pa tak izbegavaju suočenje sa svojim razočaranim biračima, kojih ima fanj.
Nekoji prevareni birači su išli i korak dalje pa je jedan napisal „Kaj nam je Laci opet z Domovinskem v rit stisnul?“ Naravno, posle je valjda stranka reagirala i obrisan je svaki sličan status kak i doliči našoj maloj Severnoj Koreji. Ljude je zapravo strah, al to sad neje tema. Možda se o ovome ni ne bi smelo raspravljati, al ja prečkometi nemrem. Načul sam da dok zgrabe vlast, DP bude prvo ukinul troslojni paper ili dva ili četiri sloja bude, ne bude nama nikaj više s tri sloja, tri prsta ili krsta. Ukidaju ribičima i trokuke. Najviše zabrinjava da se DP protivi istospolnim odnosima, a prvi se ponesli pederski. Nema to smisla. Retko viđeno busanje u hrvatska prsa i razne predizborne pretnje doživele su figu v žepu. Ok, to je njihov problem, budu se raskolili na pol. Pol DP-a pe nazad z plinskim bocama v šatore i anonimu, a pol menadžerskog vodstva bude tržilo z Plenkovićem i državom.
Vrh sve govnarije ovih izbora (a i onih prije) je to da manjine drmaju Hrvatskom. On Mađar ili Čeh dobi nit 2000 glasov i vredi ko zlato. A de je tu naš saborski? On bude već nekaj tržil za sebe za vaše glase. Možda mu je državni tajnik opcija ili još senja da bu ministar pravosuđa. To nemremo mi biti sigurni. Sigurni smo samo da jednom žeton – vazda žeton!
