piše: Vladek Antolaš – MASTERMIND
Zrak treperi kao da nebo gori. Točno je tak ovih dana. Pasje vrućine su nam se zaredale i teško se živi, no mi se prilagodimo. Prilagodi se i živina. Na primer, naš Bono „the pas“ se uredno skrije v najtamneši dio koji je našel i ne mrda danima vun, samo po noći malo i redovito dvaput jest. Pod ormar v garaže se skriva. Kam su ove vrućine otišle da se grozdje bere v osmom mesecu. Bude vina. To sam baš gledel na FB da je jeden prijatel ljude javno pozival na berbu. Valjda je Sunce spalilo grozdje, a travu i drača je odavno. Stvarno od ove vrućine i omare kaj je bila ove dane čovek malko skrene pa tak i ja pišem i senjam nekaj zdenoga, al nek bude zdeno i fino.
Nudim nekuliko receptov za osveženje. Imam pajdaša čmelara, Gave se piše, trucal sam ga celo vreme da mi donese malo meda v saću. Dugo dugo mu je trebalo da mi donese obećanu slasticu. Ja si sad to denem vu frižider i lepo onak zdenoga meda z vilicom napikavam kroz saće. Da vi samo znate kakov je to gušt. Probajte se usuditi misliti kak je to slatko i fino osveženje. Čisto se lepim od toga. Na kraju ostane on vosek kojega gvančim i žvačem do god mi lalovke ne ftrnu. Imam ja još guštov za guštati po ove vrućine. Nedavno sem otkril kak je, isto zdena, lubenica fina ako ju još k tome posipaš z cedevitom od lemone. Ajde, usudite se to probati. Nuz vrućinu dolaze i drugi problemi. Glava mi je debela ko tikavnja jer me klima napuvala, da ne velim da mi se z nosa sceđa. Kak smo mi skloni preterivanju u želji da se malo ozdenimo. Kad sem spomenul klimu, mam se setim kak kišem od zdenjave dok dojdem v Lidaru, pogotovo tam kod škrinje za salame.
Zdeno ko da si kraj smrti prešel. Nuz vrućinu večna borba za ladovinu kam bi auta sparkerati. Ljudi napeljavaju aute pod oreje i v park. Ipak nam je na brige da se ne odlepi tapacerung krova. Kad bi se moglo na more otiti ili barem da se ima bazen. Kad bi bogek dal rasvetliti pamet nekome pa da se bazen nekakov veeeeliki napravi pri nam v Đurđevcu. Bilo bi mi drago. Mislim pisal sam ja o toj svojoj želji i prije, al eto, valjda mi se stvarno od vrućine zmelo. Novac za bazen sigurno ima kad ima za sakakove bedastoće, tak da nema zgovora da nema za bazen. A de bi se najbolje pasal, kaj vi mislite? Mortem u sklopu ŠRCA ili bi ga ovi mogli sprojektirati nekam nuz starački dom ili pak na Kudrinkaj, kaj budu žabe skakale v njega. Idem se dalje švicat i gledet kakvoga lada zavatiti da mi i malo ovoga mozga ne zlapi, a davno je zlapel.
