piše: Vladek Antolaš – MASTERMIND
Skoro sam napisal srednjovjekovna kriza. No nije srednjovjekovna, jer to bi bila neka kriza u Koprivnici oko srednjovjekovnog sajma, nego ipak srednjegodišnja kriza i pisal bum o krizi srednjih godina (KSG). Mislim, da se mam razmemo, nisam ja u toj krizi, nego ja to vidim u drugima. Pa ak se najdete u tekstu, nazdravlje. To ako sam pomislil da si kupim motora u ovim godinicama ne znači odma da sam u krizi, nego da konačno imam novac za to. Al bil bi to više Poniexpres. Jeden moj kum i ima motora, al ga je dobil pod dug i ne vozi se z njem i to ti je dokaz da je ovo zmišljeno jer su žene zaprav ljubomorne na motore pa optužuju muške da su v krize. Kriza bi bila da si čovek nemre nikaj priuštiti nakon kaj popuste davanja za školovanje dece i slični fakultetski troški.
Ono, došli smo mi stareši na red. Kategorički odbacujem da ako si štrižem dlake v nosu i pazim da ne zidu vun, da je to neka ta kriza niti su dlake koje z vuv rastu neki dokaz istoj. To ak se čovek počne malo uređivati i lickati, to je možda zato jer ga je žena konačno, nakon 25 let, nekaj higijeni navčila. Neje to do lepote i želje da se zgleda mlajše. Znači nema krize. Mislim kulki bi mogli ljudima starim ko ja zameriti da se, na primer, druže z prijateljima svoje dece i da z njima piju kavu i s tim mladim ljudima povremeno otidu do Podruma na pikado. U najmenšu ruku to je kao čudno i opet bi se moglo tumačiti ko prokleta kriza srednjih godina, no neje tome tak, to je samo razmena iskustva i simbioza. Na takvim kavama mladi vuče stareše novotarijama tehnike i kulture generacije Z, a stareši generacije X mlajšima tumače kak je negda bilo. Kulki oditu od jemput na planinarenje i idu bežat maratone da si dokažu da nesu za hititi i da nesu v krize. Vežba se v teretane, ide se na zumbe i jogu, a do sad su jedva noge smicali z kauča na postelj. Ja ne bi rekel da je to kriza, nego više dosada.
Prije se budem od dosade se za gradonačelnika Đurđevca kandidiral nego traile zbežaval. Mislim si da bi radi istraživanja ove pojave KSG mogel otiti na feštu za 35. let male mature moje generacije pa da tam svedočim jel su ti ljudi mojih godina u kakvoj krizi, a opet kaj, čovek bi trebal feštati za obljetnicu male mature?! Bilo bi to za feštu da sem jedva prešel 8. razred pa ajd, od sreće da feštam, nego sem normalno prešel z četiri. Kaj se tu ima slaviti? KSG bi bila na sredini života i ak kaniš živeti do 100 onda bi sad, z 50, to bilo to, al sasvim je jasno da se kod nas živi do 70 pa je kriza onda od 35. Znači mene je valjda već prešla. Namerno nesem spominjal ženski spol, al to ne znači da one nemaju KSG i da si ne bi one potrošile kakvoga dečaka mlajšega od sebe ak ih kriza pere. Zapravo, postalo je normalno da stareše koke vataju mlajše dečoke, al tak je i za muške, da bi navek mlajše sneje pa smo 1:1. Žene imaju „promenu“ koja je jakša i zvetropirena skroz, al to sad neje tema. Ako vas je KSG i vlovila, vrlo leko bute znali gda je kraj. Kraj je dok vam se neće diči zaran na kavu glet konobarice, nego rajše odete v gorice.
FOTO ilustracija
