piše: Vladek Antolaš – MASTERMIND
Malo su mi dali za razmisliti ovi nedavni potezi Izraelaca koji su hakirali sve živo i nanesli ogromensku štetu Hezbolahu u vihoru rata. Vleče me na crni humor pa da napišem da se ljudi na Bliskom istoku boje i vibratora koristiti. No kaj zaprav tehnologija nama dela za naš život i kulke moru biti manipulacije? Upravo dok ovo pišem sedim na livadi kraj kleti i gledim v mekotu, na kojoj mesto uljane repice za zelenu gnojidbu kostrva prebija i raste. Gledim v divotu prirode na Bilogori, šume, jarke i tijam se z mojega brega vidi kak se Molvarska cirkva beli tam v daljine put Mađarske. Znači lepota i prelepo je sve, al evo, ovo govno od mobitela ipak držim v rukama i tipkam ovaj tekst. Sad da se nešče oče mene rešiti, rado da bi mogel samo hakirati mojega telefona i ak nikaj, spaliti mi ruke, joči i nedaj Bože…
Tehnologijom odajemo svoj položaj, navike i slabosti. Tehnologija nam snima razgovore i, kak stvari stoje, navlači nas na kupovanje gluposti koje nigdar ne bi, ali nigdar kupili. Kome igdar treba mašinica koja čačkalice izbaciva na dodir prsta? Znači ne samo da su nas porobili, nego su nas i poglupaveli, a mi upijamo baš sve jer nam je to lekše. Baš je popularen Temu, koji doslovce leči dosadu, al trenira glupost v nama. Eh, da je on jedini, bilo bi ok. Kupujemo pizdarije ko da su badava, a ovi doslovce prve stvari i dele zabadava. Ko v kazinu – prvo ti puste da bi te posle mogli oderati. Ima i dobre tehnologije i aplikaciji, npr. Radar Bot koji nam pomaže da se bez brigaša vozimo magistralom da nas kamere ne snime. I evo, tu je trik – opet sami omogućujemo nekom da nas prati i da pamti naše rute. Nikom to ne treba nit je kome zanimljivo, ali kad bi vam baš nužno trebalo da vam neko ženi pokaže lokaciju dok ste bili v kvaru ili obrnuto. Sami sebe steravamo z grmlja ko zajece. Sledeća napaka svega ovoga, a to ste svi primetili, je da dok se nekaj menite v društvu o getribaj, na telefonu tjeden dana getribe skaču v reklamama.
Zato ja svako malo naglas velim, za svaki slučaj – „Kurve, janjetina i vino“, pa nam se možda taj ko sluša smiluje i pošlje spomenuto na vrata. Zamisli – dve kurve nose ražanj z vrućem janjcem, a treća demižonku z vinom. To bi pobedilo celi Internet i Temu, al prokletstvo svega je to da ak ne bi objavil na mrežama, ko da se neje ni dogodilo. Opet bi moral imati mobitel i sve snimiti pa na Tik Tok staviti. Začaran je taj krug ljudi i tehnologije i prokletstvo novoga doba. Kuliko prokletstvo, toliko nekad i blagodat. Evo, da nema Googla ja ne bi znal da se Kostrva zove još i Koštan ili Echinochloacrus-galli. Često se srećem s temom da je dosada uništena tehnologijom, a dosada je zapravo pokretač svih dječjih igaraj i maštovitosti. Dok nam je ko malima bilo dosadno primali smo se kvara i bizarnih poslova, hobija i zabave, a sad dok nam je dosadno primamo mobitel i gledimo plodove tuđe dosade. Današnja tehnologija deci je fkrala dosadu, a z tem i kreativnost. Slabo zmišljaju, samo kopiraju. A takvi smo i sami. Da se ne zaboravi – Kurve, janjetina i vino!
FOTO screenshot youtube
