Piše: Vladek Antolaš – MASTERMIND
Dokle seže mudrolija naše centralne vlasti u režiji HDZ-a zorno nam more pokazati predlog izbornih jedinica koje se kroje ovih dana. Jedno je sigurno da bude sve po zakonu, baš kak bi Cinober i Presvetli složili. Ako bu po zakonu, ne znači da bude i po logiki. Meni neje normalno da Đurđevec bude z Đurđenovcom v iste glasačke kutije samo zato jer veliki igrači kroje izborne jedinice ko gaće, svak po svoje guzice.
Kakve ja imam veze z Tikvešom ili Čemincom na političkom planu? Meni je to nebulozno. Sad ja morem špekulirati da je takav predlog skrojen da se maksimalno optimizira rezultat stranke na vlasti i nikaj drugo jer kak vidimo, mora se zatrti snaga svih sredina u kojima su neke druge stranke i nezavisni na vlasti. Koprivnica je jaka i gnezdo SDP-a, a Đurđevec je pod strankom “Lacković” i z tog čoška gledanja ovakva izborna šema je stvorena baš da takve sredine razvodni i ftopi v prosek Slavonije de je HDZ jak. Dobro, to je trik i legalan potez HDZ-a kak sam rekel, a jel normalno, i neje.
Presmešno je misliti da budemo svi nahrlili glasat za Đakića (aka Jopa) ili nekog Mikeša jer su ipak kao naši više nego neko z Belog Manastira. Ostajemo na milost našim hadezeovcima koji evo šute i budu nas “stržili” v tišini.
Gde god se ljudi mene o tome, svima je isti zakjuček da je to nebulozno i nikome neje jasno nit je kome prirodno da smo z Osekom v torbe. Baš potpuno je kontra svake pameti prekrojiti županiju s trečine da se zadovolji forma broja birača zamišljena daleko od pulsa nas ljudi koji stvarno nemamo osečaj pripadnosti Slavoniji ili čemu sličnomu.
Ovakvom idejom Plenković pokazuje koliko mu je narod našega kraja biten, a još koliko su mu nebitneši njegvi stranačke kolege. Meni to žal gledeti. Zapravo, v našem kraju neje bilo močnog hadezeovca za posesti Podravinu na mesto koje joj pripada još od doba Jape Sulimanca, Stjepan se zval, koji je barem prugu Klošter-Belovar dovlekel i koji je mogel k prvom predsedniku Tuđmanu v kancelariju bez kucanja. Od tog doba ne vidim rezultata vekšega i bitnešega za naš kraj. No minus tog doba je da su nam Pitomaču otrgli z Podravine i to mi je žal ko da su nam srce spuknuli jer smo mi svi skupa jedno telo.
Posle svi skupa saborski zastupniki su samo obečavali brze ceste širom i ta je zapela kod Križevcov, a ova z Belovara je isto megla v steklenke kak mi zgleda. Na rubu sam da velim da je ovo ravno veleizdaji Podravine jer bi nas sčarili za Osek.
Pitam se jel se bude našel političar z našega kraja na vlasti ili oporbi koji bude zaštitil našu volju da ne gubimo dalje identitet jer ovo je samo početek našeg kraja.
Malodušno je ovo kaj budem sad rekel al nemrem prečkometi.
Zakaj smo imali osečaj da su nam Hercegovci državu krojili na početku, zakaj nam se čini da ju sad Dalmatinci vode? Možda je to kriva perspektiva koja vodi do podjela i antagonizma, ali ljudi moji, nama se tak čini dok od Drave pogledaš prema Zagrebu. Nišče nas ne doživljava i z nama se pohitavaju ko Cinober i Presvetli z Dudekom. Naša lokalna politika i političari idu uz dlaku vladajućih ma ko god bil na vlaste (HDZ, SDP), čak smo se i z Bandićom gnezdili, nema bune nikakve, a Drava neumoljivo teče. Drava-Botovo-201.
Podravci, de smo?
