Piše Vladek Antolaš Mastermind
Da su kojem slučajem milicajci zastavili dirigenta i mužikaše ovih dana, oni bi se mogli pofaliti da su napuvali prek 100.
Da, da, puhači DVD-a Đurđevac pušu v trube već sto let. Neje to mala stvar. Davne 1922. godine izvjesni Maks Sandbichler okupil je prvo društvance pri vatrogasce koji su krenuli puhat v svoje piske.
Denes pak nasljedniki ponosne 1922. zovu se „Puhački orkestar DVD Đurđevac“, mi ih zovemo limena glazba ili pleh mužika.
Kao prvo, kak nastane zapravo pleh mužika?
Puvanjem se vu pisku stvaraju vibracije dok u plehnatoj utrobi truba, flauta i rogova napuvani zrak, koji još dršće od piska, se zakovitla pa još ga se „nasecka“ preko onih tipki i nastane mužika kakvu mi čujemo. Zato sem se ja zakačil da je puvanje vrlo važno. Da se razmemo, neje nikaj menje važno kulko spretno puhač-trubač onim tipkama „secka“ napuvani zrak. Ako gledimo celi orkestar, jedino se na bobnju i na činelama ne puše, tu i tam klope i daju ritma. Dirigent pak isto ne puše, al se možda zapuše dok onak majenče i promaju dela jer, nafal, pazi kak orkestar svira.
Sad bum ja vama rekel kak ja pamtim tu mužiku za svate i sprevode.
Večina nas imali smo prvi susret z limenom glazbom na sprevodu, a tam su osečaji tužni i jaki pa zato bolje pamtimo kak nas štrecne. Tak i ja pamtim taj zvuk pun tuge i časti s kojom DVD puhači otpravljaju minule duše na on svet. Nema sprevoda da sem bil, a da nesem v trubače gledel. Trubiti tam je zvanje jer ipak moraš imati grdu volju po suncu, snegu i kiši smiren svirati „Fala“. Po kiši je navek ipak malo veseleše ih gledeti dok zlevaju kišnicu z trubic ili Turbe z velike tube. Mene to na smeh tera pa se potuljim i gledim v pod da ne svisnem na glas.
Naš Puhački orkestar je ipak prerasel samo svirku po grobljima i odgovorno tvrdim da ih se more slušati i pod normalno. Znaju oni i daju si gasa za svaki važan (i manje važan) događaj u kalendaru našega grada. Oni lepo sviraju za sve Picokijade, sva Đurđeva i dočekaju z nama svaki Božić i novo leto.
Lepo ih je videti v onom gumenjaku za Đurđevo dok nas bude z mužikom, lepo ih je videti na svake Picokijade dok sviraju himnu i idu v špaliru, no nekak najviše ih se ide slušat za njihov tradicionalni godišnji koncert de se navek iskala karta više i Dom kulture je bil popunjen do cufta ko u zlatna vremena kinematografije dok je došel film „Hajde da se volimo“ ili „Supermen“. Fala Bogu pa se sad koncerti održavaju v sportske dvorane, tam nas više stane jer su kino sprčkali v adaptacije i sad je mesta za tri čoveka v dva reda (no to je tema za drugi broj).
Ovo kak sviraju je lepo i svaki put lepše, daju si truda i delaju na sebi i svojem razvoju, doterali su na najviši koncertni nivo. Lepo je videti da nadograđuju i drže tradiciju koja je predavana i čuvana sto let v našem gradu. Lepo je kaj nas i dalje dostojanstveno otpravljau na on svet. A znate kaj je najlepše od svega? Najlepše od svega je kaj na vrpe drže decu, mlade i ove koji već drugu ili treću mladost imaju na pleće, a sve neovisni i svoji od svih nedaća i vladara u svih ovih prvih sto let.
Sretno vam puhači i punim plućima do 200 pa da skupa proslavimo opet.
