Piše: Vladek Antolaš – MASTERMIND
Kak ovih dana dežđ pljušči na se strane, se plavi i vodurina nadojađa i kvara dela. Se si mislim jel bu dežđevlje stalo i ne bu ga za Picokijadu?! Možda se pošteno spada i kiša zaobide Picokijadu. No, tradicijom bi bil red barem na pol vure, al opet bil bi i red da malo stane posle sih ovi mokri deno i problemov.
Naravno da bum ja pisal o problemima koje dežđ razotkriva i koji nas pritišču vekom večno.
Prvo je Suva Katalena plivala dva put v tri dana, a z njom i Sirova. Jaka kiša su rekli i da rešenja nema. Istina, kak je voda došla tak je brzo i otišla, no kak se ljudi na Mars otpravljaju, tak ne vidim da se nemre najti rešenje (da se oće) i za te kritične trenutke da jaki dežđ ne preleje sve grabe i kanale v ova dva sela do cufta.
Druga rak-rana je Novo naselje v Đurđevcu, de se i za malo menše kiše govna dignu z šahtov i otplove na kraju nekim trikom na livade tam posle cinčaone.
Kritično je bilo i oko centrale med dva mosta. Tam se čak i jeden šofer zadenol i auta ostavil, a čona si neje zel. Taj kanal za dva-tri prsta samo kaj se neje zlejal pa bi Ciglena pak plovila.
Sreća je da neje, ali samo sreća jer, kak vidimo, sva ta kritična mesta su i dalje kritična i tehnički se nikaj ne rešava jer, eto, sreća nas prati. Bitno da je rotor prema Mičetincu bil „suv“, al se ni to tam nemre dojti jer znamo da ta cesta, dok žaba zapiša, mam je neprohodna. Da sam zločest rekel bi da je bolje da su te novce od rotora za prave grabe potrošili, al ko sam ja uopće, a i ko ste vi uopće ako ste ovak isto pomislili.
Dobro, i mi se negda ne bi trebali vozati nikam nekam po najvekši kiši pa je bolje doma biti i spati jer znamo da je najlepše spanje dok kiša pada…
Zgovor je još jeden problem vekši jer se politika zgovara da neje pod njihovom ovlasti, grabe su malo naše, malo pak puti nesu naši pa je gradsko pa županijsko pa je kontra, a vrh svega znamo da se pri nas Grad i Županija ne trpe, a mi nek plivamo posle jakše kiše radi dva bezežna egoista. Dosta velikih penez jednostavno zaobide Đurđevca z te strane.
Pravo stanje stvari pokaživa sportska dvorana de se valjda v truc više krov ne slaže, jer tam curi kak rešeto pri jakše kiše. Pa, eto, kad mi je tema kiša, moram i tu sramotu deti na sunce. Tam je županija gazda pa se sve nema novac, a to kaj truli parket i grede, to niko ne jebe ni pol posto. Velim ja da se moraju Grad i Županija ipak malo sašiti i barem prividno pomoriti za ovakve stvari. Ako Županija nema novac, nek Grad digne još jednoga kredita (kud svi dud i taj jeden) i posudi Županiji za krova na dvorani jer ipak je to naša dvorana v Đurđevcu.
Bil je tam Kukuriček neki den i taman je kapalo po opremi i mužike. Zapravo, ako se nikaj ne reši, onda mirne duše za koncerte v dvorane morete preglašavati reklame da si ljudi v dvoranu zemu ambrele za saki slučaj.
FOTO: ilustracija
